Вы тут

Усходні гараскоп на наступны тыдзень


АВЕН. На гэтым тыдні ў вас будуць асабліва атрымлівацца такія супрацьлеглыя па духу рэчы, як цалкам новыя праекты і, наадварот, вяртанне да старых няскончаных і даўно забытых спраў. Шмат часу давядзецца абмяркоўваць свае ідэі і планы з калегамі. Падтрымку будзе атрымаць нялёгка. Пачынаючы з аўторка для тых, хто шукае работу, з'явіцца шанц знайсці штосьці годнае. У пятніцу могуць узнікнуць непрадбачаныя сямейныя праблемы.


ЦЯЛЕЦ. Тыдзень складаны, патрабуе эмацыянальнай раўнавагі. Не хвалюйцеся па дробязях і не апускайце рукі. Калі ўзнікнуць перашкоды, знайдзіце спосаб іх абысці. Серада парадуе добрымі навінамі і падзеямі. У другой палове тыдня можа быць шмат работы. У суботу будзьце асцярожныя, магчымыя падман і спакушэнні. У нядзелю пры неабходнасці можаце разлічваць на падтрымку і дапамогу сяброў.

БЛІЗНЯТЫ. Вы будзеце перапоўненыя творчымі задумамі, якія вельмі хутка ажыццявяцца і прынясуць салідны прыбытак. На гэтым тыдні вас чакаюць спрыяльныя паездкі, сустрэчы, спатканні. Не давядзецца нічога выбіраць, будзеце дакладна ведаць, чаго хочаце, дзе і з кім  вам будзе добра. Другая палова тыдня пройдзе з прыўзнятым, святочным настроем. Паклапаціўшыся пра каго-небудзь, адчуеце, што таксама акружаны ўвагай і любоўю.

РАК. На гэтым тыдні паспрабуйце пазбавіцца ад усяго непатрэбнага, дробнага, што перашкаджае як у прафесійнай дзейнасці, так і ў асабістым жыцці. Добры час для поўнага абнаўлення гардэробу і рамонту ў доме. Не замыкайцеся ў сабе і не адмаўляйцеся ад падтрымкі сяброў і родных. Пазбягайце мітусні і не саромейцеся смяяцца з сябе. Вас чакаюць перамены да лепшага.

ЛЕЎ. Настройцеся на новае, нязвыклае, пачынайце вучыцца таму, чаго вам пакуль не хапае для кар'ернага ўзлёту. Серада прынясе спакой і ўнутранае прымірэнне. У чацвер варта падрыхтаваць сябе да сюрпрызаў, Фартуна можа звярнуць на вас увагу. У выхадныя не паддавайцеся сумным думкам, ганіце прэч ад сябе тугу, кіслая фізіяномія — гэта апошняе, што вам цяпер трэба. У канцы тыдня даўнія мары нарэшце пачнуць ажыццяўляцца дзякуючы вашаму цярпенню і стараннасці, памножаным на працаздольнасць.

ДЗЕВА. Можаце рэалізаваць даўнія планы, калі ваша прафесія звязана з творчасцю, выкладаннем ці грамадскай дзейнасцю. З'явіцца магчымасць праявіць сябе ў новай справе, што абяцае прынесці дадатковы прыбытак. Другую палову тыдня варта прысвяціць вырашэнню сямейных праблем. Будзьце ўважлівыя да дзяцей і бацькоў.

ШАЛІ. На гэтым тыдні самы час скончыць тое, што стала вас стамляць. Не бойцеся прама сказаць выбранніку, сябру або калегу, што вас нешта не задавальняе. Павышэнне па службе, да якога вы так імкнуліся, прывядзе да таго, што абавязкаў стане значна больш, але і зарплата вырасце. У нядзелю блізкія могуць пакрыўдзіцца на вашу няўважлівасць. Паспрабуйце пераканаць, што вы іх шануеце.

СКАРПІЁН. Не варта спрабаваць супрацьстаяць прыходу новага ў жыццё, нават калі пры гэтым старое павінна сысці. Спрыяльны момант, каб зрабіць ці прыняць прапанову рукі і сэрца ці хоць бы зладзіць незабыўнае спатканне. Работа будзе прыносіць задавальненне і салідны прыбытак. Вы дакажаце, што цалкам апраўдваеце давер начальства або кліентаў і выдатна спраўляецеся са сваімі абавязкамі. Добры час для наладжвання адносін і набыцця патрэбных сувязяў. Але старайцеся не быць залішне самаўпэўненымі, прыслухоўвайцеся да думкі каханага чалавека.

СТРАЛЕЦ. Калі вы гатовыя шмат працаваць, то зможаце атрымаць высокі даход. Праблемы, якія раней здаваліся невырашальнымі, распадуцца на шэраг дробных, і адолець іх будзе нескладана. Варта згадаць і аднавіць старыя сувязі і знаёмствы, што з нейкіх прычын напаўзабытыя. У чацвер вас заўважыць і ацэніць па заслугах начальства. Адпачніце ў суботу з сябрамі і вы даведаецеся шмат цікавага. У нядзелю лепш не абмяркоўваць з блізкімі фінансавыя пытанні.

КАЗЯРОГ. На гэтым тыдні ў вашых сілах зрабіць максімум магчымага, каб дасягнуць поспеху. Ганіце прэч сумненні і ляноту. Не бойцеся браць на сябе дадатковыя абавязацельствы, тады ў вас з'явіцца больш свабодных сродкаў і магчымасцяў. Паспрабуйце пазбягаць канфліктаў і супярэчнасцяў у адносінах з калегамі і начальствам. Да выхадных добра было б расправіцца з няскончанай манатоннай работай, і тады вы адчуеце палёгку і ўбачыце сітуацыю з іншага боку. Нядзеля можа стацца днём роздуму — пра мінулае, будучыню.

ВАДАЛІЎ. Аўторак — вельмі ўдалы дзень для заключэння здзелак і важных перамоў. У сераду старанна правярайце ўсю інфармацыю, ёсць вялікая верагоднасць недакладнасцяў і памылак. Зараз лепш пазбягаць паездак і людных месцаў. Паспрабуйце рэальна ацаніць свае сілы і не ўзвальваць на сябе вялікі аб'ём работы. У нядзелю прысвяціце сабе і сям'і дастаткова часу, каб адчуць супакаенне.

РЫБЫ. На гэтым тыдні лепш звесці да мінімуму зносіны. Не праводзьце шмат часу ў інтэрнэце, не ўвязвайцеся ў спрэчкі ў сацсетках. На рабоце зможаце максімальна выкарыстоўваць такія якасці, як разважнасць і ўпэўненасць ва ўласных сілах, спатрэбіцца і дар пераканання. Панядзелак — не самы ўдалы дзень для новых спраў і сур'ёзных пачынанняў. Чацвер — спрыяльны дзень, каб знайсці новых партнёраў і паказаць сябе з найлепшага боку. У выхадныя варта зрабіць генеральную прыборку ў кватэры.

Прэв’ю: yandex.by

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».