Вы тут

Беларусь зацікаўлена пашырыць свой удзел у працы Энергетычнага клуба ШАС — Галоўчанка


Беларусь зацікаўлена пашырыць свой удзел у працы Энергетычнага клуба Шанхайскай арганізацыі супрацоўніцтва (ШАС), заявіў прэм’ер-міністр Раман Галоўчанка сёння на пасяджэнні Савета кіраўнікоў урадаў ШАС у фармаце відэаканферэнцыі, перадае БелТА.


«Беларусь актыўна развівае міжнароднае супрацоўніцтва па пытаннях умацавання ядзернай бяспекі і выкарыстання атамнай энергіі ў мірных мэтах. Мы зацікаўлены ў пашырэнні ўдзелу нашай краіны ў працы Энергетычнага клуба ШАС», — сказаў Раман Галоўчанка.

Паколькі арганізацыя аб’ядноўвае некалькі ядзерных дзяржаў, кіраўнік беларускага ўрада мяркуе, што прыйшоў час падумаць над стварэннем у ШАС асобнага механізму, які прадугледжвае рэгулярныя сустрэчы, нарады па пытаннях атамнай энергетыкі і ядзернай бяспекі па аналогіі з мерапрыемствамі, што праводзяцца па іншых напрамках. «Упэўнены, што стварэнне такога фармату ўзаемадзеяння будзе адказваць сучасным выклікам у галіне ядзернай бяспекі, а таксама садзейнічаць умацаванню міжнароднага супрацоўніцтва ў гэтай сферы», — падкрэсліў Раман Галоўчанка.

Беларускі бок таксама лічыць вельмі запатрабаваным стварэнне паўнавартаснага фінансавага інстытута, «не залежыць ад рашэнняў і дзеянняў заходніх структур».

Галоўнымі напрамкамі дзейнасці гэтага інстытута, на думку беларускага боку, магло б стаць не звязанае з фінансаваннем інвестыцыйных праектаў крэдытаванне, а таксама прадастаўленне стабілізацыйных пазык, у тым ліку на падтрымку праграм развіцця.

«Гэтая ідэя ў поўнай меры адпавядае расійскай ініцыятыве аб прыняцці міжбанкаўскага аб’яднання ШАС дарожнай карты па пераадоленні наступстваў пандэміі COVID-19 для эканомік краін — членаў ШАС. З улікам значнага вопыту ў фінансавай і банкаўскай сферах Міжбанкаўскае аб’яднанне ШАС магло б распрацаваць і ўнесці праект канцэпцыі стварэння дадзенай фінансавай арганізацыі», — адзначыў Раман Галоўчанка.

Прэв’ю: БелТА

Выбар рэдакцыі

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

У чым феномен гарналыжнага спорту ў Беларусі? Гор няма, а спорт ёсць!

У чым феномен гарналыжнага спорту ў Беларусі? Гор няма, а спорт ёсць!

Гарналыжны спорт у нас пачаўся з пасёлка Зялёнае.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.