Толькі за мінулыя суткі ашуканцы змаглі выкрасці сродкі з банкаўскіх карт амаль двух дзясяткаў жыхароў Гродзенскай вобласці. На розных падставах яны тэлефануюць патэнцыйным ахвярам і спрабуюць даведацца канфідэнцыйную інфармацыю аб карце альбо акаўнце ў інтэрнэт-банкінгу.
Як паведамляе аддзяленне інфармацыі і грамадскіх сувязяў УУС Гродзенскага аблвыканкама, зламыснікі могуць тэлефанаваць пад выглядам пакупніка, калі чалавек прадае тавар на гандлёвых інтэрнэт-пляцоўках, альбо прадстаўляцца супрацоўнікамі банкаў. Тэлефануюць нячыстыя на руку грамадзяне як з беларускіх, так і замежных нумароў праз месенджары. Прычым у некаторых выпадках ашуканцы настолькі становяцца нахабнымі, што, прадстаўляючыся супрацоўнікамі банкаўскай установы, называюць чалавека нават не поўным імем: да прыкладу, замест Анастасія — Насця, ці замест Людміла — Люда. Але нават такое стаўленне не бянтэжыла некаторых пацярпелых, яны вяліся на падман зламыснікаў і паведамлялі асабістыя дадзеныя. Такім чынам выкрадаліся сумы ад 10 да 3-х тысяч рублёў.
Міліцыя заклікае грамадзян: ожны дзень фіксуюцца дзясяткі выпадкаў падобных крадзяжоў грашовых сродкаў. Ні ў якім разе не расказвайце пабочным асобам канфідэнцыйныя дадзеныя — гэта тры лічбы з адваротнага боку банкаўскай-карты і паролі ад інтэрнэт-банкінгу. І памятайце, што нават пры ўзнікненні нейкай няштатнай сітуацыі супрацоўнікі банкаў не будуць вам тэлефанаваць па тэлефоне і ўдакладняць асабістыя звесткі.
Сяргей РАСОЛЬКА
Прэв’ю: businesspskov.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
