Вы тут

Ці небяспечнае нашэнне медыцынскай маскі?


І які ўплыў яна аказвае на здароўе.

Некаторыя незадаволены тым, што без масак нельга з'яўляцца ў краме і транспарце. Маскі яны называюць «наморднікамі» і «газавымі камерамі». Нібыта пад маскай назапашваецца вуглякіслы газ, які павольна ўсіх нас труціць. Інтэрнэт апанавалі сумнеўныя, але вельмі шакіруючыя эксперыменты.


Тэлепрадзюсар з ЗША Дэль Бігтры ставіў эксперымент на сваім сыне і ў прамым эфіры замяраў узровень вуглякіслага газу, які назапашваецца пад маскай на твары 11-гадовага хлопчыка. Няўжо ад іх сапраўды больш шкоды, чым карысці?

Аднак спецыялісты супакойваюць: вы ў бяспецы, а такія эксперыменты некарэктныя. Справа ў тым, што прамысловыя газааналізатары падыходзяць толькі для вымярэнняў у памяшканнях, а не ў лакальнай кропцы на выдыху. Не дзіва, што прафесіяналы паднялі на смех эксперымент Бігтры. Тым больш што гэты прадзюсар даўно вядомы як аўтар ілжэнавуковых праектаў.

Каб сапраўды вызначыць, наколькі добра арганізму дыхаецца, трэба вымяраць узровень сатурацыі, то-бок узровень кіслароду ў крыві. І ў медыцыне гэта даўно робяць з дапамогай пульсаксіметра. І вось такія эксперыменты якраз паказваюць, што ўсё ў норме.

Пульманолагі пацвярджаюць, што маска забяспечвае дастатковае паступленне чыстага паветра пры інтэнсіўных удыху і выдыху. Нягледзячы на тое што ў падмасачнай прасторы можа павялічыцца колькасць вуглякіслага газу, у арганізме прынцыпова нічога не мяняецца.

Да таго ж урачы, асабліва апошнія паўгода, працуюць у масках па шмат гадзін запар. А хірургі і зусім палову рабочага часу праводзяць у масках. Ёсць, вядома, некаторыя нязручнасці, але яны ніяк не звязаныя з кіслародным галаданнем ці атручваннем вуглекіслатой. А карысць ад масак несувымерна большая, чым любыя нязручнасці.

Алена КРАВЕЦ

Фота: 24.kz

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.