Вы тут

Патэнцыял «трафейнага» турызму. Сёлета ён пераведзены ў анлайн-фармат


У краіне растуць папуляцыі паляўнічых відаў жывёл. Колькасць лася дасягнула звыш 40 тысяч асобін, аленя — каля 30 тысяч, казулі — больш за 100 тысяч. Такім чынам, павялічваецца і іх здабыча. Аб гэтым расказаў начальнік аддзела паляўнічай гаспадаркі Міністэрства лясной гаспадаркі Аляксандр КАЗАРЭЗ.


— У сувязі з гэтым мы чакаем павелічэння колькасці турыстаў пасля паляпшэння сітуацыі з каранавірусам. Патэнцыял паляўнічага турызму дастаткова высокі. Працягваецца летне-асенні сезон палявання на птушыную дзічыну, ужо адкрыўся асенне-зімовы на пушных жывёл, а таксама на капытных. Сёлета колькасць паляўнічых узрасла: калі штогод імі станавілася 1,1—1,2 тысячы чалавек, то ў гэтым годзе іх колькасць склала ўжо 1,6 тысячы. У першую чаргу гэта звязана з закрыццём меж, многім складана кудысьці выехаць, і яны звяртаюць увагу на ўнутраны патэнцыял. Цяпер у нас вельмі актыўна развіваецца інфармацыйная сістэма, якая дае паляўнічым права куплі пуцёвак на паляванне ў анлайн-фармаце. Калі на 1 студзеня бягучага года ў ёй было зарэгістравана прыкладна 2,5 тысячы чалавек, то на сёння іх больш за 3,4 тысячы. Праз яе сёлета мы рэалізавалі больш за 2,3 тысячы пуцёвак. Часцей за ўсё паляўнічыя набываюць іх менавіта на пушных жывёл. Зараз мы займаемся дапрацоўкай гэтай сістэмы з французскім інстытутам пералётных птушак. У верасні Прэзідэнтам быў прыняты Указ № 345, згодна з якім павялічаны тэрмін дзеяння дазволу на нашэнне і захоўванне паляўнічай зброі з трох да пяці гадоў і тэрмін дзеяння медыцынскай даведкі, на падставе якой падаўжаецца або атрымліваецца такі дазвол. Гэта вырашыла праблемнае для многіх пытанне.

Уязны турызм у краіне летась стаў рэкордным: было праведзена каля тысячы паляўнічых тураў, у якіх прыняло ўдзел звыш 2,2 тысячы замежнікаў, а выручка склала больш за мільён еўра. Аб гэтым расказаў намеснік начальніка ўпраўлення палявання, рыбалоўства і турызму Беларускага таварыства паляўнічых і рыбаловаў Уладзімір КАЗЛОЎСКІ.

— Часцей за ўсё да нас прыязджаюць з Расіі (каля 85 працэнтаў ад агульнай колькасці), а таксама з Германіі, Польшчы, Галандыі, Аўстрыі. Здабываюць замежнікі практычна ўсіх паляўнічых жывёл. У асноўным такіх паляўнічых прыцягвае вельмі якасная арганізацыя працэсу, ды і шчыльнасць жывёл у нас вышэй, а значыць, можна здабыць трафей нашмат хутчэй. У бягучым годзе з-за пандэміі сітуацыя з уязным турызмам пагоршылася, шэраг тураў прыйшлося перанесці на наступны год ці адмяніць. Аднак патэнцыял у развіцці ёсць. Таксама некалькі апошніх гадоў мы займаемся зарыбленнем вадаёмаў. З 2015 года ў краіне іх было зарыблена 90 — засялілі каля 200 тон рыбапасадачнага матэрыялу, а гэта прыкладна каля 700 тысяч рыб. Такую дзейнасць плануем працягваць.

Дар'я ШЛАПАКОВА

Прэв’ю: kleo.ru

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.