Вы тут

Падзяка Прэзідэнта аб’яўлена будаўнікам, калектыву «Гомсельмаша» і прадстаўнікам іншых сфер


Кіраўнік дзяржавы Аляксандр Лукашэнка падпісаў распараджэнне аб аб’яўленні Падзякі Прэзідэнта Рэспублікі Беларусь, паведамілі ў прэс-службе беларускага лідара.


За значны ўклад у развіццё будаўнічай галіны, дасягненне высокіх вытворчых паказчыкаў падзяка аб’яўлена ААТ «Будаўнічы трэст нумар 12» — кіруючая кампанія холдынга «Будтрэст-Холдынг». За шматгадовую плённую дзейнасць на рынку будаўнічых паслуг, дасягненне высокіх вытворчых паказчыкаў гэтай узнагароды ўдастоена Магілёўскае абласное ўпраўленне капітальным будаўніцтвам, за шматгадовую плённую працу ў машынабудаўнічым комплексе рэспублікі, значныя поспехі ў вытворчасці канкурэнтаздольнай сельскагаспадарчай тэхнікі — калектыў работнікаў ААТ «Гомсельмаш».

Падзяка кіраўніка дзяржавы таксама аб’яўлена 83 прадстаўнікам розных сфер дзейнасці.

За шматгадовую плённую працу ў будаўнічай галіне, дасягненне высокіх вытворчых паказчыкаў, своечасовы ўвод у эксплуатацыю сацыяльна значных аб’ектаў узнагароды ўдастоены работнікі ААТ «Інстытут «Магілёўграмадзянпраект», будтрэста нумар 12 холдынга «Будтрэст-Холдынг» і Магілёўскага абласнога ўпраўлення капітальным будаўніцтвам, у тым ліку дырэктар гэтага УКБ Ігар Башлекаў.

Супрацоўнікі дарожна-будаўнічых трэстаў, холдынга «Белаўтадар», а таксама генеральны дырэктар ААТ «Мастабуд» Сяргей Вашкевіч удастоены Падзякі Прэзідэнта за шматгадовую працу, высокі прафесіяналізм, дасягненне высокіх вытворчых паказчыкаў у сферы дарожнага будаўніцтва.

Старшы інспектар дарожна-патрульнай службы ДАІ АУС Слуцкага райвыканкама Дзмітрый Сямібратаў удастоены Падзякі Прэзідэнта за рашучыя і ўмелыя дзеянні пры выратаванні чалавечага жыцця.

Прадстаўнікам Брэсцкай, Гомельскай, Гродзенскай, Мінскай і Магілёўскай абласцей аб’яўлена Падзяка Прэзідэнта за плённую працу, высокі прафесіяналізм, актыўны ўдзел у грамадска-палітычным жыцці. У ліку ўзнагароджаных — старшыня Брэсцкага гарвыканкама Аляксандр Рагачук, намеснік генеральнага дырэктара па персанале, сацыяльных пытаннях і ідэалагічнай рабоце РУВП «Граніт» Маргарыта Серавокая, генеральны дырэктар ААТ «Гомельскі домабудаўнічы камбінат» Аляксандр Ганчароў, намеснік начальніка галоўнага ўпраўлення ідэалагічнай работы, культуры і па справах моладзі Гомельскага аблвыканкама Таццяна Кручко, намеснік старшыні Мастоўскага райвыканкама Марына Давыдзік, галоўны рэдактар газеты «Минская правда» Ларыса Коршун, начальнік галоўнага ўпраўлення ідэалагічнай работы, культуры і па справах моладзі Мінскага аблвыканкама Аляксандр Ільясевіч, старшыня Бабруйскага гарадскога Савета дэпутатаў Міхаіл Жалудоў, начальнік галоўнага ўпраўлення ідэалагічнай работы і па справах моладзі Магілёўскага аблвыканкама Кацярына Музычэнка.

Падзякі ўдастоены таксама супрацоўнікі Беларускага нацыянальнага тэхнічнага ўніверсітэта: намеснік начальніка студэнцкага гарадка Павел Кот — за плённую працу ў сістэме адукацыі, значны асабісты ўклад у стварэнне якасных умоў для навучання студэнцкай моладзі, а дырэктар Барысаўскага дзяржаўнага політэхнічнага каледжа (філіяла БНТУ) Уладзімір Шмакаў і намеснік дэкана будаўнічага факультэта БНТУ Мікіта Вабішчэвіч — за плённую педагагічную дзейнасць, высокі прафесіяналізм, значны асабісты ўклад у падрыхтоўку высокакваліфікаваных спецыялістаў.

Кіраўнікі дзвюх устаноў адукацыі Гродна, сярэдніх школ нумар 20 і нумар 27, Наталля Сцяпанава і Мікалай Салянскі ўдастоены Падзякі Прэзідэнта за шматгадовую плённую працу ў сістэме адукацыі, высокі прафесіяналізм, значны асабісты ўклад у навучанне і выхаванне падрастаючага пакалення, актыўную грамадска-палітычную дзейнасць.

За высокі прафесіяналізм, значны асабісты ўклад у аказанне медыцынскай дапамогі насельніцтву, актыўную грамадска-палітычную дзейнасць Падзяка аб’яўлена начальніку галоўнага ўпраўлення па ахове здароўя Магілёўскага аблвыканкама Аляксандру Старавойтаву і галоўнаму ўрачу Магілёўскай паліклінікі нумар 3 Святлане Шупікавай. Акрамя таго, работнікі прадпрыемстваў АПК Магілёўскай вобласці ўдастоены ўзнагароды за шматгадовую плённую працу, высокае прафесійнае майстэрства, значны асабісты ўклад у развіццё сельскай гаспадаркі.

Прэв’ю: ru.wikipedia.org

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.