Вы тут

Беларуская чыгунка ўпрыгожыць буйныя вакзалы краіны да калядных і навагодніх святаў


Да іх ужо змяніўся чыгуначны вакзал станцыі Мінск-Пасажырскі. Пры афармленні залаў выкарыстоўваліся гірлянды ў чырвона-залатой і сіне-сярэбранай каляровай гаме. Навінкай гэтага года сталі пухнатыя ялінкі з фібраоптыкай, устаноўленыя паміж эскалатарамі.


На трэцім паверсе будынка традыцыйна размясцілася тэматычная фотазона. На гэты раз госці і жыхары сталіцы змогуць папоўніць свой сямейны альбом фатаграфіямі на фоне «Палярнага экспрэса» ў кампаніі эльфаў. На стварэнне такой інсталяцыі работнікаў беларускай магістралі натхніла казка Крыса Ван Олсбурга пра маленькага хлопчыка, які не верыў у цуды і напярэдадні Калядаў адправіўся на казачным цягніку да Паўночнага полюсу, каб асабіста пераканацца ў існаванні Санта-Клаўса, распавялі падрабязнасці ўзнікнення ідэі ў прэс-цэнтры Беларускай чыгункі. Дарэчы, фотазона ў выглядзе казачнай платформы 9 3/4 з вядомай кінасагі Джоан Роўлінг пра Гары Потэра, устаноўленая на вакзале станцыі Мінск-Пасажырскі, у мінулым годзе карысталася ў пасажыраў магістралі асаблівай папулярнасцю.

Акрамя таго, на Прывакзальнай плошчы ў асяроддзі снегавікоў, якія свецяцца, вырасла навагодняя елка. Яна выкананая са штучнага матэрыялу, упрыгожана 2,5 тысячамі шароў рознага дыяметра, сняжынкамі, званочкамі і светлавымі фігурамі анёлаў, а таксама 1,5-кіламетровай гірляндай. Дарэчы, галоўная чыгуначная елка кожны год радуе новым дызайнам.

Упрыгожваць чыгуначныя вакзалы пачалі таксама ў Баранавічах, Брэсце, Віцебску, Гомелі, Магілёве і іншых гарадах краіны. Плануецца, што да сярэдзіны снежня яны ўсе заззяюць святочнымі агнямі.

Сяргей РАСОЛЬКА

Фота: БЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.