У лістападзе БЧ на 6,1 % павялічыла экспартныя перавозкі грузаў

Яны павялічыліся ў параўнанні з аналагічным перыядам мінулага года і склалі 4,3 млн тон, паведамляе прэс-цэнтр магістралі.

У параўнанні з лістападам 2019 года ў 1,5 разы павялічылася перавозка ўгнаенняў і цэменту, на 11 % - нафтапрадуктаў. Пры гэтым асноўныя напрамкі экспарту - гэта парты Літвы і Латвіі (з далейшай марской перавозкай у краіны Заходняй Еўропы, Паўднёва-Усходняй Азіі, а таксама Паўднёвай Амерыкі), Расія, Украіна і Польшча.

Таксама ў лістападзе 2020 года на 2,2% у параўнанні з аналагічным перыядам мінулага года павялічылася пагрузка грузаў і склала каля 7,5 млн тон.

Сяргей РАСОЛЬКА

Прэв’ю: rw.by