Вы тут

Макей: Вызначаць будучыню Беларусі — справа беларускага народа


Вызначаць будучыню Беларусі — справа беларускага народа. Аб гэтым заявіў кіраўнік МЗС Уладзімір Макей, выступаючы 3 снежня на 27-м пасяджэнні Савета міністраў замежных спраў АБСЕ, якое праходзіла анлайн, паведамляе БЕЛТА.


«Беларусь перажывае складаны палітычны перыяд. Прыярытэт аддаецца абароне ўнутранага парадку, стабільнасці, суверэнітэту і стымуляванню сацыяльнага дыялогу па важнейшых грамадскіх пытаннях у рамках праводзімай канстытуцыйнай рэформы, — падкрэсліў міністр. — Як і любая іншая дзяржава — удзельнік АБСЕ, мы імкнёмся ўсталяваць неабходны баланс паміж паўнацэнным забеспячэннем правоў і свабод грамадзян і падтрыманнем належнага ўзроўню бяспекі і парадку ў грамадстве. Як усім нам вядома, універсальных рашэнняў для гэтага не існуе. Вызначаць будучыню Беларусі — справа беларускага народа».

Уладзімір Макей прадоўжыў: «Сацыяльныя стрэсы, як і ў Беларусі, узнікаюць і ў іншых дзяржавах — удзельніцах АБСЕ. Ці гатовы краіны „на захадзе ад Вены“ пагадзіцца на пасрэдніцтва АБСЕ? Або размова ідзе пра ўжо традыцыйную пазіцыю ў адносінах да краін „на ўсход ад Вены“? Напэўна, нам трэба сур’ёзна абмеркаваць, што канкрэтна можа прапанаваць старшынства АБСЕ або „тройка“ ў выпадку аналагічных сацыяльных стрэсаў, акрамя заклікаў да „транзіту ўлады“, з якімі, я ўпэўнены, не пагодзіцца ніводная краіна».

Што датычыцца аднабаковых і неабгрунтаваных абмежавальных мер, уведзеных некаторымі дзяржавамі — удзельніцамі АБСЕ адносна Беларусі, то беларускі бок упэўнены: шлях санкцый не мае будучыні. «Санкцыі, асабліва эканамічныя, ніколі не дасягаюць заяўленых мэт, а, у першую чаргу, наносяць удар па простых людзях і паглыбляюць разрыў недаверу на прасторы АБСЕ», — упэўнены Уладзімір Макей.

«Ці варта нам канцэнтравацца на ўзаемных папроках і канфрантацыйнай рыторыцы? Альбо лепш засяродзіцца на рэальных пагрозах бяспецы?» — задаў ён рытарычнае пытанне.

Пры гэтым міністр замежных спраў звярнуў увагу на тое, што Беларусь уносіць адчувальны ўклад ва ўрэгуляванне зацягнутых канфліктаў на прасторы АБСЕ, у супрацьдзеянне транснацыянальным выклікам і пагрозам, уключаючы барацьбу з гандлем людзьмі, у пашырэнне лічбавізацыі.

Прэв’ю: minsknews.by

Выбар рэдакцыі

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.