Вы тут

Нацстратэгія актыўнага даўгалецця да 2030 года зацверджана ў Беларусі


Нацыянальная стратэгія Беларусі «Актыўнае даўгалецце-2030» зацверджана пастановай Савета Міністраў ад 3 снежня 2020 года нумар 693, паведамляе БЕЛТА са спасылкай на Нацыянальны прававы інтэрнэт-партал.


Палажэнні стратэгіі будуць улічвацца пры распрацоўцы праектаў праграм сацыяльна-эканамічнага развіцця краіны, дзяржпраграм да 2030 года, прававых актаў.

Нацстратэгія распрацавана для стварэння ўмоў для найбольш поўнай і эфектыўнай рэалізацыі патэнцыялу пажылых грамадзян, устойлівага павышэння якасці іх жыцця праз адаптацыю дзяржаўных і грамадскіх інстытутаў да праблемы старэння.

Стратэгія накіравана на вырашэнне 6 асноўных задач. Гэта забеспячэнне абароны правоў і годнасці пажылых грамадзян, стварэнне ўмоў для іх сацыяльнай уключанасці і ўсебаковага ўдзелу ў жыцці грамадства; стымуляванне больш доўгага працоўнага жыцця, фарміраванне камфортнага ўзроўню даходу пажылых грамадзян; забеспячэнне магчымасці для навучання на працягу ўсяго жыцця, пашырэнне доступу да адукацыі і павышэння кваліфікацыі. Сярод задач таксама стварэнне ўмоў для здаровага і бяспечнага жыцця, актыўнага даўгалецця; развіццё сацабслугоўвання; стварэнне адаптаванай да патрэбнасцей пажылых грамадзян інфраструктуры і асяроддзя жыццядзейнасці.

У дакуменце 55 мерапрыемстваў для рэалізацыі стратэгіі. Гэта ўдасканаленне заканадаўства аб сацабслугоўванні, забеспячэнне ў калектыўных дагаворах, тарыфных пагадненнях норм супраць узроставай дыскрымінацыі пры прыёме і звальненні работнікаў, арганізацыя работы саветаў пажылых грамадзян пры мясцовых органах улады, гурткоў, экскурсійных паездак, распрацоўка турыстычных маршрутаў, адаптаваных для пажылых грамадзян, павышэнне кваліфікацыі для медработнікаў у частцы геранталогіі і інш.

Прэв’ю: brand-mag.com

Выбар рэдакцыі

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.