Сёння вечарам Палац Незалежнасці прымаў гасцей. Каля 100 удзельнікаў аўтапрабегу «За адзіную Беларусь» скончылі традыцыйнае суботняе мерапрыемства экскурсіяй у Палацы Незалежнасці. Экскурсійныя групы наведваюць палац з яго адкрыцця ў 2013 годзе. Зараз, напярэдадні новага году, пачаўся новы сезон экскурсій.
Абедзве групы экскурсантаў наведалі амаль усе залы, дзе праходзяць важныя палітычныя і ўрачыстыя падзеі рэспубліканскага і міжнароднага маштабу. У гэты суботні вечар аўтамабілісты, іх сем’і і сябры сталі паўнавартаснымі гаспадарамі Палаца Незалежнасці.
«Дзіўна, вельмі важна і ганарова знаходзіцца ў такім месцы. Вельмі хочацца, каб як мага больш людзей наведалі Палац Незалежнасці, бо гэта багацце нашага народу. Рэальнасць пераўзышла ўсе чаканні. Гэта не проста помнік, гэта нібы жывы арганізм, дзе ўсё зроблена з любоўю і дзе ўсюды адчуваецца чалавечае цяпло», — падзялілася ўражаннямі Наталля Лядзінская.
Для некаторых удзельнікаў экскурсіі наведванне Палаца Незалежнасці стала своесабалівым сюрпрызам. Як прызнаўся Станіслаў Яскевіч, са сваімі сябрамі-аднадумцамі ён да апошняга не верыў, што правядуць выхадны дзень у такім знакавым для краіны месцы.
А пастаянныя ўдзельнікі аўтапрабегаў Аляксандр і Алена Барановіч усю экскурсію здымалі на відэа. Кажуць, для таго, каб захаваць памяць і паказаць усё, што бачылі сябрам, знаёмым, дзецям і ўнукам. Бо падзея для сям’і вельмі значная. «Вельмі кранальна і радасна пабываць у сэрцы краіны. Больш за ўсё здзвіла, што 90 працэнтаў усяго, што ёсць у палацы, зроблена з беларускіх матэрыялаў так прыгожа і якасна. Вельмі ганарымся гэтым», — адзначыла сям’я Барановіч.
Валерыя СЦЯЦКО
Фота БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.