Новы год і Каляды ў нашай культурнай традыцыі — гэта шматгадзінныя застоллі з тлустым мясам і алкаголем, каларыйнымі салатамі, запраўленымі маянэзам. Гаспадыні выстаўляюць на стол усё найлепшае адразу — каўбасы, закаткі, марынады... Садавіну і «салодкі стол» таксама ніхто не адмяняў. У выніку наступнай раніцай мы звыкла мучымся ад галаўнога болю і цяжару ў страўніку, а праз месяц не можам улезці ў любімыя джынсы.
А ці магчымы Новы год без лішніх кілаграмаў? Аказваецца, так.
— Правільнае харчаванне за навагоднім сталом — не настолькі нерэальная задача, як гэта падаецца на першы погляд, — адзначае старшы навуковы супрацоўнік аддзела харчавання Навукова-практычнага цэнтра НАН Беларусі па харчаванні Валерый Шылаў.
І для гэтага не трэба ператварацца ў маркотнага зануду, які адмаўляецца пакаштаваць фірменны салацік гаспадыні. Дастаткова проста выконваць нескладаныя правілы.
Правіла першае. Рэжым харчавання
Цэлы дзень 31 снежня «назапашваць» голад перад застоллем — так сабе рашэнне. Сняданак, абед і — увага — вячэра! — павінны прысутнічаць у вашым раскладзе на апошні дзень года, як і ў любы іншы дзень. Тады да моманту, калі сям'я збярэцца за святочным сталом, вы не будзеце гатовыя праглынуць, не разбіраючы, усё, што на ім пастаўлена.
— Не варта садзіцца за святочны стол на галодны страўнік. Каб пазбегнуць пераядання, за 30 хвілін да пачатку застолля можна выпіць шклянку вады ці з'есці порцыю лёгкай салаты з агародніны.
Пра тое, што апошні прыём ежы для яе правільнага пераварвання і засваення павінен быць за 2-3 гадзіны да сну, сёння, напэўна, ведае кожны. У навагоднюю ноч вы можаце сесці за стол, напрыклад, у 20.00 — так і свята працягнецца даўжэй, і асноўны голад вы задаволіце значна раней, чым адправіцеся спаць, кажа суразмоўнік.
Правіла другое. Сервіроўка стала
— Мабыць, найважнейшае правіла навагодняй ночы — не есці, а дэгуставаць, — распавядае Валерый Шылаў.
Дапамагчы ў гэтым сваім гасцям можа гаспадыня, аддаўшы перавагу сучаснай сервіроўцы стала. Прыгожы посуд невялікага аб'ёму, менажніцы, парцыённая падача салаты ў бакалах, піялах, «ядомым» посудзе (кошыках з тонкага цеста), дэсертаў — на кавалачках агародніны і садавіны, каўбас і сыроў — на шпажках. Так, як накрываюць стол спецыялісты кейтэрынгу. «Тазікі» салаты — гэта мінулае стагоддзе, да таго ж такая падача правакуе пераяданне і праблемы са страўнікава-кішачным трактам і лішняй вагой. Ды і, у рэшце рэшт, сучасная сервіроўка стала — гэта проста прыгожа і стыльна.
І яшчэ адна парада. Не трэба гатаваць «з запасам». Салаты, што змянілі смак, і засохлая мясная нарэзка, якія пакутліва даядаюцца ўсёй сям'ёй тыдзень, — зусім не карысныя.
Правіла трэцяе. Альтэрнатыва
У чалавека павінна быць права выбару. Але звычайна ў навагоднім меню выбару няма.
— Традыцыйныя навагоднія стравы вельмі каларыйныя. Часта людзі пераядаюць за святочным сталом, таму што на стале проста няма некаларыйных страў. Няхай не ўсе стравы на вашым стале будуць цяжкія. Дадайце агароднінныя і фруктовыя салаты, дзе замест маянэзу ў якасці запраўкі выкарыстоўваюцца лімонны або гранатавы сок, натуральны ёгурт. Пастаўце на стол рыбу і морапрадукты, — раіць спецыяліст.
Ну, а калі вы запрошаны ў госці — дапамажыце сабе самі. Захапіце з сабой, акрамя падарункаў, некалькі не вельмі каларыйных, але смачных страў уласнага прыгатавання. Так, па-першае, вы прыйдзеце ў дом не з пустымі рукамі, а па-другое, забяспечыце сабе і сябрам здаровую альтэрнатыву «Аліўе» і селядцу «пад футрам». І не забудзьцеся паставіць на стол чыстую пітную ваду без газу. Калі вы будзеце піць дастаткова вады за навагоднім сталом, гэта паменшыць апетыт. Дарэчы, у суткі неабходна 30 мл на кілаграм вагі. І гэта не лічачы іншых напояў і супу.
Правіла чацвёртае. Парадак страў
Не есці ўсё, да чаго дацягнуўся, а выконваць парадак ужывання страў нават за навагоднім сталом — залог таго, што вам не прыйдзецца актыўна худзець у сярэдзіне студзеня. І паспрабуйце есці павольна: за сталом сядзець доўга.
— Пачніце з агародніннай салаты, запраўленай раслінным алеем, — раіць Валерый Вікенцевіч. — Агародніна злёгку задаволіць апетыт і дапаможа страваванню. Аддайце перавагу бялку, а не вугляводам. Гэта могуць быць запечанае мяса або, напрыклад, тарталеткі з ікрой. У ідэале ваша трапеза павінна складацца напалову з агародніны і на другую палову — з бялкоў і вугляводаў.
Не варта змешваць несумяшчальныя прадукты, напрыклад:
Правіла пятае. Разумны падыход да алкаголю
Піць «за здароўе», каб раніцай адчуваць сябе вельмі нездаровым, не варта. Але цяжкага пахмелля можна пазбегнуць.
— Перш за ўсё алкаголь піце толькі пасля тостаў. Запіваць ім ежу — неразумнае рашэнне. Алкагольныя напоі вельмі каларыйныя, асабліва калі яны салодкія. А яшчэ алкаголь павышае апетыт — з ім вы з'ясце больш, чым без яго.
Кактэйлі, салодкае віно, настойкі і лікёры за навагоднім сталом забяспечаць вам пераяданне, не кажучы ўжо аб цяжкім пахмеллі. Лепш ужываць белае і чырвонае сухое віно. Шампанскае хай будзе брут, сухое або паўсухое.
Правіла шостае. Рух
Не сядзіце ўсю ноч за сталом. Танцуйце, гуляйце ў гульні і ўдзельнічайце ў конкурсах. Адпраўляйцеся на прагулку, ідзіце ў парк ці на каток. У гэтым годзе многія будуць сустракаць Новы год за горадам, на дачах, на базах адпачынку і ў фармаце катэджа, які здымаецца на кампанію. Так пагуляйце на прыродзе! Гэта дадасць святочнага настрою, даставіць незабыўныя эмоцыі і зробіць свята непадобным на ўсе астатнія.
Правіла сёмае, паслясвяточнае. Не карайце сябе дыетай
З 1 студзеня прынята пачынаць новае жыццё. Але не спяшайцеся садзіцца на дыету з першымі прамянямі сонца 2021 года.
— Разгрузачныя дні раней за 3 студзеня стануць стрэсам для арганізма. А пераяданне ў навагоднія дні і так было велізарнай нагрузкай. Дайце сваёй стрававальнай сістэме час, каб нармалізаваць работу. Дарэчы, і нізкакаларыйныя дыеты ў снежні, «каб пахудзець да Новага года», я раю завяршыць не пазней чым за тыдзень да навагодняй ночы.
А каб пазбавіцца лішняй вагі пасля навагодніх і калядных «празмернасцяў», неабходна проста збалансаванае харчаванне, а не жорсткія дыеты. Дарэчы, мужчыны паўнеюць у Новы год менш, чым жанчыны. У жанчын павышаны апетыт у святочныя дні звязаны з ваганнямі цукру ў крыві. Таму іх цягне на салодкае. У мужчын метабалізм больш стабільны. Але і моцнай палове варта выконваць вышэйпералічаныя правілы застолля.
Святочныя лайфхакі ад дыетолагаў
Не забудзьцеся паставіць на навагодні стол:
Падчас гатавання мяса выкарыстоўвайце посуд з антыпрыгарным пакрыццём — так вам не спатрэбіцца шмат алею.
Усюды, дзе толькі можна, замяняйце маянэз на нізкакаларыйныя соусы — іх лёгка прыгатаваць з дапамогай блэндара. Вось некалькі простых рэцэптаў:
Тар-тар: ёгурт + карнішоны + кроп + часнок + спецыі.
Грыбны: смажаныя шампіньёны + цыбуля + спецыі + ёгурт.
Таматавы: памідоры + кінза + зялёная цыбуля + кроп + часнок + спецыі.
Кары: ёгурт + яечныя жаўткі + цыбуля + прыправа «Кары».
Мерапрыемства праводзіцца на добраахвотнай аснове.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.