Вы тут

У Гродне стартаваў зімовы чэлендж па расчыстцы снегу


У Гродне стартаваў зімовы чэлендж па расчыстцы снегу. І вельмі дарэчы. Бо ў Гродне цэлы дзень з ранку ідзе снег, і камунальныя службы наўрад ці хутка справяцца з яго расчысткай. Як аказалася, ім на дапамогу прыйдзе моладзь. Валанцёры БРСМ будуць дапамагаць у расчыстцы тэрыторый ад снегу ля бальніц, паліклінік, дамоў адзінокіх жыхароў рэгіёна, ветэранаў Вялікай Айчыннай вайны. Базай для прыёму заявак з’яўляюцца ўсе тэрытарыяльныя камітэты БРСМ Гродзенскай вобласці. Заяўкі падаюцца на гарачую лінію.


Кожны раён, у тым ліку горад Гродна, можа разлічваць на дапамогу валанцёраў, запэўнілі ў абласным камітэце грамадскай арганізацыі БРСМ. У першую чаргу, дапамога будзе скіравана на ўстановы аховы здароўя. Калі з’явіцца неабходнасць падключыцца да ўборкі снега ля дзіцячых устаноў — садкоў ці школ — таксама праблем не будзе. Не пакінуць маладыя памочнікі без увагі і адзінокіх сталых жыхароў.

Як расказала першы сакратар Гродзенскага абласнога камітэта БРСМ Ганна Сарасек, валанцёры ўжо актыўна ўключыліся ў працэс па расчыстцы снегу. Як аказалася, паслуга вельмі дарэчы. Напрыклад, 12 студзеня паступалі заяўкі ў Лідскім, Астравецкім, Мастоўскім раёнах. У Гродне валанцёры выйшлі на дапамогу камунальным службам 13 студзеня. Дарэчы, аб’ём работ вызначаецца ўжо з самага ранку, пасля чаго на аб’екты накіроўваюцца дабраахвотныя памочнікі.

Маргарыта УШКЕВІЧ

фота прадастаўлена абкамам БРСМ

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.