Вы тут

Беларусь абмяжоўвае ўвоз птушкі з рэгіёнаў Літвы і Польшчы з-за птушынага грыпу


Беларусь абмяжоўвае ўвоз птушкі з Каўнаскага павета Літвы і Люблінскага ваяводства Польшчы з-за птушынага грыпу. Такая інфармацыя размешчана на сайце Дэпартамента ветэрынарнага і харчовага нагляду Мінсельгасхарча.


Паводле даных Сусветнай арганізацыі аховы здароўя жывёл, там зарэгістраваны выпадкі захворвання птушак на высокапатагенны грып. У сувязі з гэтым з 16 студзеня ўводзяцца часовыя абмежаванні на ўвоз у Беларусь з Каўнаскага павета і Люблінскага ваяводства жывой птушкі, інкубацыйных і харчовых яек, мяса птушкі, яечнага парашку, меланжу, альбуміну і іншых харчовых прадуктаў перапрацоўкі курыных яек, пуху і пер’я, недэзынфіцыраваных паляўнічых трафеяў (птушынай дзічыны), іншай прадукцыі.

Спыняюцца ўсе раней выдадзеныя дазволы на ўвоз названых тавараў у Беларусь з гэтых рэгіёнаў Літвы і Польшчы.

Дэпартамент інфармуе аб неабходнасці дадатковай біялагічнай абароны птушкагадоўчых аб’ектаў усіх форм уласнасці.

Грып птушак — кантагіёзная хвароба, што характарызуецца прыгнечаным станам, ацёкамі, пашкоджаннем органаў дыхання, стрававання. Эканамічны ўрон ад яго вялікі ў сувязі з масавай гібеллю хворых птушак, неабходнасцю строгіх каранцінных і ветэрынарна-санітарных мерапрыемстваў, уключаючы знішчэнне хворай птушкі.

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.