Вы тут

Вытворчасць сельгаспрадукцыі ў Беларусі ў 2020 годзе вырасла на 4,9 працэнта


Вытворчасць прадукцыі сельскай гаспадаркі ў гаспадарках усіх катэгорый (у сельгасарганізацыях, сялянскіх (фермерскіх) гаспадарках, гаспадарках насельніцтва) у 2020 годзе склала Br22,9 млрд і павялічылася ў параўнанні з 2019 годам у супастаўных цэнах на 4,9 працэнта, паведамілі БЕЛТА ў Нацыянальным статыстычным камітэце.


У сельскагаспадарчых арганізацыях выраблена прадукцыі на Br19,2 млрд, або ў супастаўных цэнах на 6,9 працэнта больш, чым у папярэднім годзе.

Найбольшую ўдзельную вагу ў агульным аб’ёме вытворчасці прадукцыі сельскай гаспадаркі займаюць Мінская (24,6 працэнта) і Брэсцкая (20,2 працэнта) вобласці, далей ідуць Гродзенская (16,5 працэнта), Гомельская (14,5 працэнта), Віцебская (12,6 працэнта) і Магілёўская (11,5 працэнта).

У гаспадарках усіх катэгорый атрымана 1,844 млн т жывёлы і птушкі ў жывой вазе, што на 2,1 працэнта больш, чым у 2019 годзе. Малака атрымана 7,765 млн т (на 5 працэнтаў больш). Валавы збор збожжавых і зернебабовых культур склаў 8,769 млн т, рапсу — 731,3 тыс. т, бульбы — 5,231 млн т, агародніны — 1,75 млн т, цукровых буракоў — 4,01 млн т, ільновалакна — 47,8 тыс. т.

На долю сельскагаспадарчых арганізацый прыпадае 95,8 працэнта рэспубліканскага аб’ёму атрымання жывёлы і птушкі ў жывой вазе, а таксама 96,7 працэнта малака, 83 працэнты яек, 94,2 працэнта збожжа, 96,4 працэнта рапсу, 10 працэнтаў бульбы і 12 працэнтаў агародніны.

Агульная пасяўная плошча сельскагаспадарчых культур у 2020 годзе ў гаспадарках усіх катэгорый склала амаль 6 млн га. На долю сельскагаспадарчых арганізацый прыпадала 90,7 працэнта ад агульнай пасяўной плошчы, сялянскіх (фермерскіх) гаспадарак — 2,8 працэнта, гаспадарак насельніцтва — 6,5 працэнта.

Прэв’ю: ufa-gid.com

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.