Вы тут

У Магілёве падвялі вынікі конкурсу навагодніх аўтарскіх PF-паштовак.


У пачатку мінулага стагоддзя для насельніцтва гэта быў адзін з арыгінальных спосабаў павіншаваць блізкіх, зараз «пээфка» трапіла ў разрад элітарнага віду мастацтва, якое існуе ў асноўным сярод фотамастакоў. У перакладзе з італьянскай спалучэнне літр PF азначае — «на шчасце!»


Анатоль Талкачоў дэманструе лепшую «пээфку»-2021.

Асноўныя патрабаванні да «пээфкі» — гэта памер 9 × 12 або 10 × 15 сантыметраў, спецыяльны значок PF і год, які наступае. Пажадана таксама прозвішча аўтара, каб потым можна было гэты здымак з кімсьці атаясаміць. Сёння зрабіць фота не праблема, трэба яшчэ чымсьці зачапіць. Удзел у конкурсе сёлета прымала 15 аўтараў.

— Традыцыя рабіць PF-паштоўкі ў нашым магілёўскім народным фотаклубе «Вясёлка» існуе з пачатку 80-х гадоў, — адзначыла адзін з арганізатараў конкурсу магілёўскі фотамайстар і ўладальніца адной з багацейшых калекцый «пээфак» Ірына САВОСІНА. — А апошнія некалькі гадоў мы сталі ў навагоднія дні праводзіць конкурс на лепшую «пээфку». Адзін час пераможцам нават уручаліся медалі ручной работы. Але сёлетні год ва ўсіх адносінах асаблівы. Прыемна ўжо тое, што знайшліся жадаючыя папрацаваць на карысць гэтага мастацтва. У асноўным удзельнічалі работы магілёўскіх аўтараў, але былі і некалькі з Мінска і нават Масквы.

Лепшыя тры «пээфкі» вызначыліся ў ходзе адкрытага галасавання, пакуль не набралі большую колькасць балаў. Сёлета пераможцамі сталі работы вядомых магілёўскіх фотамайстроў Анатоля Мельнікава, Аляксандр Ліціна і Анатоля Талкачова.

Нэлі ЗІГУЛЯ

Фота аўтара

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.