Тры новыя станцыі метро Зеленалужскай лініі ў сталіцы павінны ўвесці ў сярэдзіне 2023 года. Пра гэта паведаміў сёння ў ходзе прамой тэлефоннай лініі першы намеснік старшыні Мінгарвыканкама Дзмітрый Мікулёнак, перадае БЕЛТА.
«У гэтым годзе працягнем будаўніцтва ўжо пачатых станцый — па слуцкаму кірунку, — сказаў Дзмітрый Мікулёнак. — У бок цэнтра пакуль не плануем рухацца. Будзем працаваць дакладна па тых інвестыцыях, якія ёсць, каб завяршыць тое, што распачата».
Гаворка ідзе пра станцыі метро трэцяй, Зеленалужскай, лініі — «Аэрадромная», «Немаршанскі сад» і «Слуцкі гасцінец».
Праца ідзе па графіку і з улікам наяўнасці інвестыцый. «Каб гэтыя тры станцыі праз 2,5 года скончыць, цалкам завяршыць гэты ўчастак лініі», — удакладніў Дзмітрый Мікулёнак.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
