У Беларусі за першыя 15 дзён 2021 года зарэгістравана больш за 2 тыс. галалёдных і халадовых траўмаў, паведамілі ў прэс-службе Міністэрства аховы здароўя.
Больш за ўсё выпадкаў зарэгістравана ў Магілёўскай вобласці — 483. Халадовыя траўмы дыягнаставаны у 3 пацыентаў, галалёдныя — у 480 пацярпелых. У бальніцы шпіталізаваны 49 чалавек.
Крыху менш пацярпелых было ў Віцебскай вобласці — 443 пацыенты. З халадовымі траўмамі да медыкаў звярнуліся 5 чалавек, галалёднымі — 438. У бальніцы шпіталізаваны 29 пацыентаў.
У Брэсцкай вобласці звярнуліся па медыцынскую дапамогу 163 чалавекі. Халадовыя траўмы дыягнаставаны ў 9 пацыентаў, галалёдныя — у 154. У бальніцы шпіталізаваны 25 чалавек.
У Гомельскай вобласці дапамога медыкаў спатрэбілася 142 пацыентам (у 5 халадовыя, толькі ў 137 — галалёдныя). У бальніцы трапілі 15 чалавек.
Нямала пацярпелых і ў Гродзенскай вобласці: тут зарэгістравана 259 пацыентаў. Халадовыя траўмы дыягнаставаны ў 9, галалёдныя — у 250. У бальніцы шпіталізаваны 45 чалавек.
Што тычыцца сталіцы, тут з гэтай нагоды да медыкаў звярнуліся 293 чалавекі (3 з халадовымі і 290 з галалёднымі). У бальніцы шпіталізаваны 17 чалавек. У Мінскай вобласці зарэгістраваны 270 пацыентаў — ва ўсіх галалёдныя траўмы. У бальніцы шпіталізаваны 22 чалавекі.
Мінздароўя яшчэ раз звяртае ўвагу: пры выбары адзення трэба ўлічваць умовы надвор’я. Калі траўмы пазбегнуць не ўдалося, рэкамендуецца звярнуцца ў бліжэйшы траўмапункт.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».