Вы тут

Конкурс дзіцячых малюнкаў на экалагічную тэматыку пройдзе ў Беларусі


Рэспубліканскі конкурс на лепшы дзіцячы малюнак на экалагічную тэматыку стартуе 1 лютага, паведамілі ў прэс-службе Міністэрства прыродных рэсурсаў і аховы навакольнага асяроддзя, якое выступае арганізатарам.


«Конкурс праводзіцца для фарміравання экалагічнай культуры дзяцей, выхавання ў іх беражлівага стаўлення да прыроды. У ім могуць прымаць удзел выхаванцы ўстаноў дашкольнай адукацыі, навучэнцы ўстаноў агульнай сярэдняй адукацыі і дадатковай адукацыі дзяцей і моладзі ў дзвюх узроставых групах: ад 3 да 5 гадоў і ад 6 да 10 гадоў», — расказалі ў прэс-службе.

На конкурс дапускаюцца работы, выкананыя на працягу года. Кожная з іх суправаджаецца інфармацыйным лістом удзельніка конкурсу з пазначэннем наймення ўстановы адукацыі, прозвішча, імя і ўзросту аўтара, паштовага адраса і кантактнага тэлефона. Работы прадстаўляюцца ў каляровым варыянце на лістах фарматам ад А4 да А1. «Пры разглядзе работ члены аргкамітэта ўлічваюць паўнату раскрыцця тэмы намінацыі, колькасць, выхаваўчую і грамадскую каштоўнасць, яркасць і арыгінальнасць падачы матэрыялу», — адзначылі ў Мінпрыроды.

Конкурс праводзіцца ў тры этапы. На першым (з 1 лютага па 1 сакавіка) вызначаюцца лепшыя работы на раённым і гарадскім узроўнях. На другім (з 2 сакавіка па 1 красавіка) выберуць лепшыя малюнкі на абласным узроўні. Вынікі конкурсу ў цэлым падвядуць 2 красавіка — 1 мая. У кожнай узроставай групе вызначаць тройку пераможцаў. Астатнія работы вернуць удзельнікам.

Узнагароджанне пераможцаў першага этапу конкурсу праводзяць раённыя і гарадскія арганізацыйныя камітэты, другога — абласныя, трэцяга — рэспубліканскі аргкамітэт.

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.