Вы тут

Беларускія навучэнцы заваявалі 6 дыпломаў на алімпіядзе па праграмаванні


Тры каманды ліцэістаў БДУ і тры каманды з Гомельшчыны заваявалі дыпломы рознай вартасці на Усерасійскай каманднай алімпіядзе школьнікаў па праграмаванні. Спаборніцтвы прайшлі ў анлайн-фармаце з дыстанцыйным кантролем.


Дыпломам другой ступені ўзнагароджана каманда Ліцэя БДУ «Ліліпуты інфарматыкі». Дыпломы трэцяй ступені прысуджаны зборным «LyceumBSU5 Notxxx»  і «Otryad Lapochek».

Усяго ўдзельнікамі сталі 306 каманд з 11 краін: Расіі, Казахстана, Беларусі, Украіны, Таджыкістана, Грузіі, Арменіі, Кыргызстана, Азербайджана, Узбекістана і Латвіі. Беларусь на конкурсе прадставілі 18 зборных з Мінска, Мазыра, Гомеля, Магілёва, Гродна, Віцебска, Брэста, Бабруйска і Лунінца. Па выніках спаборніцтваў на рахунку беларусаў — шэсць дыпломаў. Дыплом першай ступені заваявалі выхаванцы Клуба юных пажарных з Мазыра. На рахунку гомельскіх навучэнцаў яшчэ два дыпломы трэцяй ступені.

Згодна з умовамі конкурсу, камандам за пяць гадзін неабходна было вырашыць 12 задач па праграмаванні, выкарыстоўваючы адзін камп’ютар. Дыпломы першай ступені прысуджаліся за правільнае рашэнне васьмі і больш задач, другой ступені — за сем, трэцяй — за выкананне пяці і шасці заданняў.

Арганізатарам Усерасійскай каманднай алімпіяды школьнікаў па праграмаванні выступае Санкт-Пецярбургскі нацыянальны даследчы ўніверсітэт інфармацыйных тэхналогій, механікі і оптыкі.

Надзея НІКАЛАЕВА

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.