Сёння амаль у кожным райцэнтры ладзяцца богаслужэнні з нагоды вялікага праваслаўнага свята — у гэты дзень дзве тысячы гадоў таму ў рацэ Іардан адбылося Хрышчэнне Ісуса.
У Беларусі свята спрадвеку называюць Вадохрышчам, на азёрах і рэках робяць купелі для абмывання, асвячаюць ваду і набіраюць яе для спажывання. Заходзяць у сцюдзёную ваду, акунаюцца, бо лічаць яе лячэбнай, карыснай для здароўя — цялеснага і духоўнага. Вадохрышча пачынаецца напярэдадні, з першай зоркай, і працягваецца ўвесь дзень дзевятнаццатага студзеня.
Кожны год мне даводзіцца спыняць у часе вадохрышчанскія карціны, бываць на «ярданах» не толькі ў Мінску і ў сталічным рэгіёне, але і ў іншых кутках нашай краіны — у Чачэрску на Святым возеры і ў Шчучыне на гарадскім вадасховішчы, на Скачальскім возеры ў Старадарожскім раёне і ў Лагойску на рацэ Гайна... І кожны раз назіраць, як шануюць і берагуць беларусы вадохрышчанскую традыцыю.
Анатоль КЛЯШЧУК
Фота аўтара
Канцэрт для дзяцей і моладзі, пластычны спектакль Ягора Дружыніна і «Рок-панарама».