100slow. Яўген Папакуль

100slow

Знянацку ў маім жыцці адбываліся бадай што ўсе важныя падзеі. Знянацку я пачаў вывучаць шведскую мову, знянацку аднойчы пачуў песню Herr Holger гурта Garmarna і гэтак жа знянацку вырашыў перакласці яе на беларускую мову. Потым у аспірантуры, калі перакладаў назбіралася ўжо штук дзесяць, яны ( так, знянацку) трапіліся на вочы цудоўнай Маргарыце Латышкевіч, якая і параіла надрукаваць іх у «Маладосці». Потым былі тры гады зацішша, пакуль (традыцыйна знянацку) я не набыў у Стакгольме шведскі пераклад «Паэтычнай Эды» (а планаваў «Празаічную»!). І потым, нечакана для сябе, пачаў гэты зборнік перакладаць са старажытнаісландскай, друкуючы яго па частках у «Маладосці». Ізноў знянацку? Не — раптоўна.

Яўген ПАПАКУЛЬ