Вы тут

Дзеці і падлеткі з мінскай гімназіі № 14 сабралі «гуманітарную дапамогу» для птушак і бяздомных жывёл


Імкненне спачуваць і дапамагаць — адна з найважнейшых якасцяў, якія вызначаюць цывілізаванага чалавека. Здольнасць да эмпатыі фарміруецца ў дзяцінстве, і без яе немагчыма развіць у чалавеку ўменне суперажываць іншым (наогул жывым істотам), прымаць права навакольных на суб'ектыўнае меркаванне, бачыць свет не аднабакова, а ва ўсім яго харастве і разнастайнасці.


Настаўнікі гімназіі № 14 могуць ганарыцца сваімі выхаванцамі.

— Часам дарослыя лічаць цяперашняе юнае пакаленне «лічбавымі дзецьмі»: абыякавымі і эгаістычнымі. Кажуць, што яны ўваткнуліся ў свае тэлефоны і больш нічога не заўважаюць. Але гэта не так, — перакананая педагог-арганізатар гімназіі № 14 Мінска Вольга Корхава. — Наадварот, іх нельга папракнуць у эгаізме: яны заўсёды адгукаюцца, калі нехта мае патрэбу ў дапамозе. І гатовыя зрабіць нават больш, чым прапануюць настаўнікі.

Акцыя «Цёплыя лапы» пачалася з малодшых класаў — з надыходам маразоў Вольга прапанавала дзятве сабраць проса, каб засыпаць яго ў кармушкі для птушак на школьным двары.

— Я не чакала, што да нашай акцыі далучацца і навучэнцы 5-8 класаў, і старшакласнікі. Гімназісты вырашылі пайсці далей: сабраць корм і неабходныя рэчы для бяздомных катоў і сабак. У гэтым нас падтрымалі валанцёры дабрачыннага руху «Разам», — распавядае суразмоўніца.

Уласна кажучы, гэта не першая падобная акцыя ў гімназіі: у мінулыя гады школьнікі ўдзельнічалі ў выстаўцы-кірмашы творчых работ, а атрыманыя сродкі адпраўлялі ў фонды дапамогі бяздомным жывёлам. У мінулым і гэтым годзе ў сувязі з пандэміяй такая форма работы стала немагчымая. Але абставіны не перашкодзілі дзецям зрабіць свет крыху дабрэйшым.

— Навучэнцы прыносілі не толькі проса і корм для катоў і сабак (часам цэлымі пачкамі, часам — у цэлафанавых мяшочках: адсыпалі запасаў для сваіх гадаванцаў). Прыносілі ланцужкі, ашыйнікі, спецыяльныя пялёнкі для кацянят і шчанюкоў, цёплыя домікі для гадаванцаў — і набытыя, і зробленыя сваімі рукамі. «Сабачай» і «кацінай» ежы было сабрана вельмі шмат. Днямі мы ўрачыста перадалі ўсе гэтыя рэчы валанцёрам. Мы ганарымся нашымі вучнямі. Думаю, нават нам, дарослым, часам можна павучыцца ў дзяцей дабрыні і прыгажосці душы.

Аляксандра АНЦЭЛЕВІЧ

Настаўнікі гімназіі № 14 могуць ганарыцца сваімі выхаванцамі

Загаловак у газеце: «Цёплыя лапы»

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.