Бясплатныя экспазіцыі, канцэрт класічнай і духоўнай музыкі чакаюць усіх Таццян 24 студзеня палацы Румянцавых і Паскевічаў у Гомелі, паведамілі БЕЛТА ў Гомельскім палацава-паркавым ансамблі.
«Напярэдадні святкавання Таццянінага дня 24 студзеня ўсе ўладальніцы гэтага імя змогуць бясплатна наведаць экспазіцыі палаца Румянцавых і Паскевічаў. Для гэтага трэба прад’явіць на касе пашпарт ці іншы дакумент, які сведчыць асобу», — адзначылі ў гісторыка-культурнай установе.
Выдатным падарункам для ўсіх наведвальнікаў у гэты дзень стане канцэртная праграма народнага маладзёжнага хору «Адраджэнне» пад кіраўніцтвам Галіны Яроменка. Калектыў у Калоннай зале палаца выканае а капэла духоўныя праваслаўныя песнапенні і вядомыя творы кампазітараў-класікаў XVIII-XX стагоддзяў.
«Калі прыйдзе Таццяна, у якой дзень нараджэння прыпадае на 25 студзеня, то яе чакае спецыяльны падарунак ад установы», — дадалі ў установе.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
