Працягваецца абласны конкурс «Магілёў — бацька Сталінграда», прысвечаны 80-годдзю гераічнай абароны горада Магілёва і Магілёўскай вобласці ад нямецка-фашысцкіх акупантаў, паведамляе mogilevnews.by.
Да ўдзелу запрашаюцца калектывы навучальных устаноў, аб’яднанні па інтарэсах, студэнты, навучэнцы школ і працоўная моладзь ва ўзросце да 30 гадоў. Яго арганізатары — абласныя грамадскія арганізацыі: цэнтр творчасці, гісторыка-патрыятычны пошукавы клуб «Виккру», Беларускі саюз журналістаў, «Белая Русь» (у тым ліку яе Магілёўскае гарадское аддзяленне).
Конкурс праводзіцца ў два этапы — з 15 студзеня па 22 лютага і з 10 сакавіка па 3 мая. На кожным этапе ўдзельнікам прапануецца адказаць па 20 пытанняў па гісторыі абароны Магілёва і Магілёўскай вобласці ў 1941 годзе.
Мэта конкурсу — патрыятычнае выхаванне моладзі. Хтосьці зможа асвяжыць свае веды, а хтосьці даведаецца пра подзвіг абаронцаў упершыню. Пераможцы будуць вызначаны ў трох намінацыях — сярод школьнікаў, навучэнцаў сярэдне-спецыяльных устаноў і працоўнай моладзі.
Нэлі ЗІГУЛЯ
Прэв’ю: mogilevnews.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.