Вы тут

13 старшакласнікаў з Магілёўскай вобласці прынялі ўдзел у тэсціраванні для залічэння ў Нацыянальны дзіцячы тэхнапарк


Усяго на адукацыйную змену Нацыянальнага дзіцячага тэхнапарку было пададзена 19 заявак, паведамляе tvrmogilev.by.


Фота: tvrmogilev.by

Першы этап адбору для навучання прайшоў дыстанцыйна. Старшакласнікі падавалі электронную заяўку, дзе паказалі творчую працу, праект або дыплом міжнароднага або рэспубліканскага ўзроўню адпаведных конкурсаў. Адукацыйная змена арганізавана па трох напрамках: «Зялёная хімія», «Інфармацыйныя і камп’ютарныя тэхналогіі», «Робататэхніка».

Пры паспяховай здачы экзаменаў падлеткі змогуць на працягу 24 дзён пад кіраўніцтвам выкладчыкаў ВНУ развіваць свой праект у Мінску. Іх забяспечаць харчаваннем і інтэрнатам. Фінансаванне за кошт рэспубліканскага бюджэту.

Нацыянальны дзіцячы тэхнапарк створаны ў адпаведнасці з Указам Прэзідэнта (№ 145 ад 12 красавіка 2019 г.). Гэта якасна новая ўстанова адукацыі, накіраваная на выхаванне нацыянальнай інтэлектуальнай эліты. Яго галоўная мэта — рэалізацыя адукацыйных праграм, праграм дадатковай адукацыі адораных дзяцей і моладзі, накіраваных на выяўленне і развіццё ў навучэнцаў здольнасцей да навукова-даследчай работы, вынаходніцтва і рацыяналізатарства. Для адораных навучэнцаў у адным месцы будуць створаны ўмовы для вучобы, атрымання тэхнічных інавацыйных навыкаў, пражывання і спартыўна-культурнага адпачынку.

Нэлі ЗІГУЛЯ

Выбар рэдакцыі

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.

Грамадства

Заснуць за 60 секунд. ​Што рабіць з бяссонніцай?

Заснуць за 60 секунд. ​Што рабіць з бяссонніцай?

Сон — адна з асноўных патрэб чалавечага арганізма.

Палітыка

Аляксандр Лукашэнка пра Беларусь і Расію: Мы суверэнныя і незалежныя дзяржавы

Аляксандр Лукашэнка пра Беларусь і Расію: Мы суверэнныя і незалежныя дзяржавы

Прэзідэнт Беларусі Аляксандр Лукашэнка правёў нараду па пытаннях беларуска-расійскага супрацоўніцтва ў ваеннай сферы.