Вы тут

Працягнуцца працы па рэстаўрацыі і кансервацыі замкаў у Крэве, Гальшанах і Навагрудку


У 2021 годзе работы па рэстаўрацыі і кансервацыі Гальшанскага, Крэўскага, Навагрудскага замкаў будуць працягнутыя за кошт сродкаў рэспубліканскага і абласнога бюджэтаў, паведамляе БЕЛТА.


У прыватнасці, у былым замку Сапегаў у аграгарадку Гальшаны Ашмянскага раёна ў гэтым годзе плануецца выкананне супрацьаварыйных і кансервацыйных работ на фрагменце паўночна-ўсходняга корпуса, які прымыкае да Паўночнай вежы.

«Гэта дазволіць захаваць корпус як найбольш значны фрагмент Гальшанскага замка. У памяшканнях, якія прымыкаюць да Паўночнай вежы, уладкуюць падлогі. Такі падыход дасць магчымасць наведвальнікам камфортна аглядаць фрагменты замка. Акрамя таго, гэта дазволіць уладкаваць зручны маршрут са склепа вежы на першы ўзровень», — адзначылі ва ўпраўленні культуры Гродзенскага аблвыканкама.

У Крэўскім замку ў гэтым годзе працягнуць стварэнне даху на ўчастку сцяны, якая прымыкае да Княжацкай вежы. Таксама плануецца завяршыць работы па аднаўленні уязной брамы, ўсталёўцы варот.

Нямала будзе зроблена і ў Навагрудскім замку. У гэтым годзе завершаць ўмацаванне схілу Замкавай гары з боку Касцельнай вежы.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».