Персанальная выстаўка «Магія дрэва» народнага майстра з Докшыц Віктара Гарбачова адкрыецца сёння ў выставачнай зале Віцебскага абласнога метадычнага цэнтра народнай творчасці. Экспазіцыя пачне работу па арт-праекце «Партрэт майстра», паведамілі БЕЛТА ва ўстанове культуры.
Майстар адраджае традыцыі механічнай драўлянай цацкі. Асноўная тэматыка яго твораў — наша штодзённасць. Гэта сюжэты з вясковага жыцця, замалёўкі на бытавыя тэмы, навакольны жывёльны і раслінны свет. Для работы механізма аўтар выкарыстоўвае цвёрдыя пароды дрэў: бярозу, дуб, ясень, для самой цацкі — ліпу, асіну, алешыну. Мастак у работы прыўносіць сваё бачанне традыцыйных цацак і пазбягае прымітыўнага капіравання.
«Віктар Іванавіч працуе майстрам-метадыстам разьбы па дрэве ў Докшыцкім раённым доме рамёстваў. Ён актыўны ўдзельнік фестываляў, выставак і кірмашоў, у тым ліку міжнародных. Таксама прымаў удзел у рэстаўрацыі двух касцёлаў — Святой Тройцы ў Докшыцах і Найсвяцейшай Дзевы Марыі ў аграгарадку Параф’янава», — адзначылі ў цэнтры.
Вырабы майстра знаходзяцца ў фондах докшыцкага дома рамёстваў, абласнога метадычнага цэнтра народнай творчасці, прыватных калекцыях у Беларусі, Літве, Расіі, Польшчы, Венгрыі і Балгарыі.
Фота Віцебскага абласнога метадычнага цэнтра народнай творчасці
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
