Санаторыі і аздараўленчыя цэнтры БЧ ў 2020 годзе прынялі больш за 14,5 тыс. чалавек

На працягу 2020 года ў здраўніцах Беларускай чыгункі аздаравілась 14 566 чалавек, з якіх амаль 11 тысяч — гэта чыгуначнікі, паведамілі ў прэс-службе БЧ.

Акрамя гэтага ў кабінетах ультрагукавой і функцыянальнай дыягностыкі было праведзена больш за 19 тысяч медыцынскіх абследаванняў работнікаў магістралі, у тым ліку звязаных з забеспячэннем бяспекі руху цягнікоў.

У 2020 годзе аздараўленчы працэс быў арганізаваны з захаваннем неабходных мер па папярэджанні распаўсюджвання рэспіраторных вірусных інфекцый.

У мэтах умацавання і захавання здароўя чыгуначнікаў у 2020 годзе ў аздараўленчых установах БЧ цэнтралізавана былі распрацаваныя і ўкаранёныя Комплексныя медыцынскія праграмы рэабілітацыі пацыентаў пасля перанесенай пнеўманіі, выкліканай каранавіруснай інфекцыяй COVID 19.

Дадзеныя праграмы складаюцца з медыцынскіх працэдур, накіраваных на аднаўленне функцыі лёгкіх, нармалізацыю дыхальных аб’ёмаў , прафілактыку развіцця лёгачнага фіброзу, паляпшэнне якасці крыві, умацаванне імунітэту, павышэнне супраціўляльнасці і цягавітасці арганізма, зніжэнне рызык паўторных захворванняў і ўскладненняў.

Прэв’ю: БелТА