29 студзеня ў НАН Беларусі (праспект Незалежнасці, 66) у 15:00 адбудзецца рэспубліканскі сход навуковай грамадскасці, прысвечаны Дню беларускай навукі.
У мерапрыемстве прымуць удзел каля 250 прадстаўнікоў акадэмічнай, вузаўскай і галіновай навукі, маладыя навукоўцы, кіраўнікі міністэрстваў і ведамстваў, вышэйшых навучальных устаноў, прадстаўнікі дыпламатычнага корпусу. Лепшым вучоным і даследчыкам краіны будуць уручаны ўзнагароды.
Ад НАН Беларусі будуць узнагароджаны лаўрэат звання «Вучоны года Нацыянальнай акадэміі навук Беларусі – 2020», загадчык аддзела Інстытута хіміі новых матэрыялаў НАН Беларусі, доктар хімічных навук, прафесар, акадэмік Уладзімір Агабекаў і аўтарскія калектывы, работы якіх увайшлі ў ТОП-10 дасягненняў акадэмічных вучоных у галіне фундаментальных і прыкладных даследаванняў за 2020 год.
З 10 гадзін на двух пляцоўках будзе разгорнута выстава дасягненняў і найбольш значных вынікаў навукова-тэхнічнай і інавацыйнай дзейнасці.
Рэспубліканскі сход навуковай грамадскасці, прысвечаны Дню беларускай навукі, пройдзе з захаваннем усіх супрацьэпідэмічных мерапрыемстваў.
Надзея НІКАЛАЕВА
У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.
Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.
Яна ўпэўнена сябе адчувае і ў нацыянальным строі, калі робіць цеста для вясельнага каравая, і ў блакітным футры Снягуркі, калі праводзіць ранішнік для дзетак, і ў шыкоўнай сукенцы пэўнай эпохі, калі выконвае аўтэнтычныя беларускія спевы пад гукі старажытных музычных інструментаў.
Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.
