Вы тут

Птушкі на шчасце


Традыцыі аздабляць аконныя ліштвы сімваламі ў выглядзе птушак у Беларусі не менш за сто гадоў, але і ў наш час знаходзяцца апантаныя майстры, якія ўпрыгожваюць фасады сваіх дамоў арыгінальнымі матывамі, шануюць родныя традыцыі.


У вёсцы Лучнікі Слуцкага раёна на вуліцы Рабочай стаіць дом на дзевяць акон, над якімі «жывуць» птушыныя сем'і. Над кожным — па чатыры птушачкі, а ўвогуле — трыццаць шэсць. Цэлая чарада! Сам дэкор ліштваў мае сіметрычную і сэнсавую кампазіцыю: у цэнтры — дзве птушкі, а па краях — па адной. Мне пашчасціла пазнаёміцца з гаспадаром і аўтарам персанальнага праекта пад назвай «дом з птушкамі». Мікалай Клевановіч — з сялянскай лучнікоўскай сям'і, працаваў слесарам электраабсталявання, цяпер на пенсіі. Будоўляй дома ён займаўся сам. У семдзесят дзявятым сям'я справіла наваселле. Доўгімі зімовымі вечарамі габляваў і выпільваў кожную птушачку, кожную кветачку, падбіраў фарбы, размалёўваў, а праз год прыбіў апошнюю ліштву. На маё пытанне, чаму абраў менавіта гэты арніталагічны дэкор, Мікалай Фёдаравіч адказаў надзвычай проста: «Мае галубы сімвалізуюць сямейную ідылію, радавое гняздо, любоў і шчасце, бо тут і птушкі-бацькі, і птушаняты-дзеці. Не паверыце, яшчэ да школы я марыў, што ў мяне будзе свой дом, вялікая гаспадарка і двое дзяцей. У нашай сям'і нарадзіліся двое дзяцей, цяпер гадуюцца пяцёра ўнукаў і нават праўнучка. Хто яго ведае, магчыма птушачкі на вокнах спрыялі нашаму сямейнаму дабрабыту?»

Анатоль Кляшчук, фота аўтара

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.