Вы тут

Аператар другасных матэрыяльных рэсурсаў падарыў слаўгарадскаму «Жылкамгасу» новы смеццявоз


Аўтапарк слаўгарадскага «Жылкамгаса» папоўніўся міні-трактарам і новым смеццявозам, на борт якога прадпрыемства ўжо нанесла жыццесцвярджальны малюнак. Тры сімпатычныя яноты нагадваюць пра тое, што людзі павінны сартаваць бытавыя адходы паасобна, каб не наносіць шкоду навакольнаму асяроддзю. 


Трактары набыты за ўласныя сродкі прадпрыемства, а вось смеццявоз — падарунак гораду ад Аператара другасных матэрыяльных рэсурсаў за актыўную пазіцыю ў пытаннях экалогіі. Слаўгарад стаў адным з першых гарадоў Беларусі, які перайшоў на паасобны збор смецця. У горадзе неаднаразова праводзіліся акцыі на гэтую тэму і конкурс малюнкаў. А нядаўна, як мы паведамлялі, жыхарка райцэнтра Святлана Дамброўская стала пераможцам ад Магілёўскай вобласці рэспубліканскага конкурсу #чистосердечноепризвание. Яшчэ адна кандыдатка са Слаўгарада, эколаг «Жылкамгаса» Ірына Рагоўская, атрымала заахвочвальны прыз.

— Мы вельмі актыўна прапагандуем паасобны збор цвёрдых бытавых адходаў, і не ўпускаем магчымасці нагадаць пра гэта насельніцтву, — кажа Ірына. — У гэтым вельмі падтрымлівае Аператар другасных матэрыяльных рэсурсаў. З 2019 года мы ўжо атрымалі дзве машыны для вывазу цвёрдых бытавых адходаў, 4210 кантэйнераў па 120 літраў кожны для прыватнага сектара, 71 ацынкаваны кантэйнер ёмістасцю 1,1 кубічны метр для абслугоўвання пляцовак шматкватэрных дамоў. Яшчэ 66 ацынкаваных кантэйнераў для паасобнага збору пластыка, паперы і шкла атрымалі нядаўна разам са смеццявозам. Сёння ў нас поўная забяспечанасць кантэйнерамі, нядрэнна ўкамплектаваная транспартам база. Цяпер будзем непасрэдна займацца забеспячэннем усім неабходным для паасобнага збору смецця нашых аграгарадкоў.

Нэлі ЗІГУЛЯ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».