У Гродне трэція суткі не спыняецца снегапад. Як паведамілі сіноптыкі, за суткі снежнае покрыва павялічылася з 9 да 37 сантыметраў. За ноч выпала амаль дэкадная норма ападкаў.
Па інфармацыі ДАІ вобласці, сітуацыя на дарогах складаная. За мінулыя суткі ў абласным цэнтры зарэгістравана больш за 20 дарожна-транспартных здарэнняў. Уведзены ў дзеянне план «Надвор’е», у адпаведнасці з якім колькасць экіпажаў ДАІ на дарогах павялічылася ў некалькі разоў.
Пад цяжарам снегу паламаліся дрэвы і стварылі перашкоды для транспартнага руху. Такая сітуацыя назіраецца як у горадзе Гродна, так і на аўтатрасах. Толькі за мінулыя суткі супрацоўнікі МНС каля трыццаці разоў выязджалі на распілоўку паваленых дрэў. Пашкоджаны аўтамабілі. З-за падзення апоры лініі электраперадачы часова заставаліся без святла жыхары прыватнага сектара ў Гродне.
Пакуль цыклон «Ларс» застаецца ў Гродне. Як паведамілі ў «Спецаўтагаспадарцы», калонны тэхнікі ў суправаджэнні ДАІ працавалі амаль усю ноч без перапынку і з раніцы зноў прыступілі да працы. У планах — задзейнічаць тэхніку іншых арганізацый, каб справіцца з наступствамі снегападу. Камунальнікі і ДАІ просяць вадзіцеляў не паркавацца ўздоўж дарог, каб не перашкаджаць расчыстцы вуліц.
Ва ўзмоцненым рэжыме дзяжураць і брыгады прадпрыемства «Гроднаэнэрга». Зараз задзейнічана 175 брыгад у распараджэнні якіх 55 дызель-генератараў, магутнасцю ад 50 да 250 кілават і 95 адзінак спецтэхнікі.
Валанцёры абласнога Чырвонага Крыжа гатовы аказаць дапамогу тым, хто аказаўся ў снежнай пастцы. Па выкліку выязджае мабільны патруль, каб дапамагчы з дробным рамонтам, падтрымаць гарачай гарбатай, цёплымі пледамі.
Маргарыта УШКЕВІЧ
Фота grodnonews
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
