За апошнія суткі ў Брэсце выпала 22 сантыметры снегу. З-за наліпання снегу і парываў ветру 26 студзеня зафіксавана 11 выпадкаў падзення дрэў. Пашкоджаны два легкавыя аўтамабілі.
Камунальныя службы спраўляюцца з аб’ёмам работ, які значна ўзрос, паведамляе ў тэлеграм-канале старшыня Брэсцкага гарвыканкама Аляксандр РАГАЧУК.
Паводле інфармацыі мэра, спецыялісты адпаведных службаў праводзяць маніторынг прамысловых аб’ектаў, гандлёва-забаўляльных цэнтраў з плоскім дахам для вызначэння вышыні снежнага покрыва. Адразу прымаюцца меры па ачыстцы снегу ў месцах павышанай нагрузкі.
Разам з тым на стрэхах будынкаў і казырках балконаў фіксуюцца выпадкі ўтварэння і звісання «снежных шапак». Іх стыхійнае падзенне можа нанесці шкоду здароўю і пагражаць жыццю людзей. Таму гарадская ўлада заклікала гаспадароў усіх без выключэння будынкаў пастаянна кантраляваць снежнае покрыва на стрэхах і ўтварэнне ледзяшоў ды своечасова прымаць меры па расчыстцы.
Святлана ЯСКЕВІЧ
Фота з тэлеграм-канала Аляксандра РАГАЧУКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
