Вы тут

У Ашмянскім раёне адкрыўся візіт-цэнтр пры Гальшанскім замку


У Гальшанскім замку з’явіўся візіт-цэнтр, які ўжо зараз могуць наведаць падарожнікі. Сам гістарычны аб’ект знаходзіцца на стадыі музеефікацыі і да вясны бягучага года стане цалкам даступным для турыстаў.


Інфраструктура каля гістарычнага аб.екта была створана яшчэ да багатых снегападаў. І вось, зусім нядаўна дзверы расчыніў візіт-цэнтр, які знаходзіцца ў некаторым аддаленні ад Гальшанскага замка.

Інфармацыйны пункт уяўляе сабой два невялікіх будынка — адміністрацыйны, найбольш цікавы для турыстаў, і санітарны.

У візіт-цэнтры можна даведацца не толькі аб Гальшанскім замку і самім мястэчку Гальшаны, але і аб цікавых гістарычных аб’ектах раёна.

— У галоўным будынку будуць размяшчацца экскурсаводы, куратары і іншыя супрацоўнікі музея, — тлумачыць Сяргей ЖЫЛІК, метадыст Ашмянскага раённага цэнтра культуры. — Цяпер тут абсталявана зона рэсэпшн і наладжаны продаж сувенірнай прадукцыі, але цэнтрам залы з’яўляецца інфа-панэль, якая дазваляе здзейсніць віртуальнае падарожжа па Ашмянскім раёне.

Пакуль спецыяльны электронны кіёск запоўнены інфармацыяй толькі напалову. Тым не менш, выкарыстоўваючы панэль як планшэт, можна знайсці поўныя звесткі аб гісторыка-культурнай спадчыне рэгіёна: галоўных турыстычных аб’ектах, важных гістарычных асобах, унікальных прыродных маршрутах.

Акрамя славутасцяў інфакіёск распавядае аб гасцініцах, грамадскіх пунктах харчавання і аграсядзібах Ашмяншчыны, у якіх можа спыніцца кожны жадаючы падарожнік.

У сувенірнай краме, размешчанай там жа, можна набыць унікальныя гліняныя вырабы, зробленыя мясцовымі майстрамі. У іх творах адлюстроўваюцца сюжэты, рамантызаваныя ў беларускай літаратуры. Тут і Чорны манах, і аблічча Соф’і Гальшанскай.

Дарэчы, каля гістарычнага аб'екта цалкам добраўпарадкавана прыпалацавая тэрыторыя з вялікай аўтамабільнай стаянкай, а таксама выкананы мантаж вонкавага асвятлення, усталявана падсвятленне і відэаназіранне.

Ва ўпраўленні культуры Гродзенскага аблвыканкама адзначылі, што будаўніцтва візіт-цэнтра было выканана за кошт бюджэтных сродкаў Ашмянскага раённага выканаўчага камітэта. Астатнія работы ў Гальшанскім замку вядуцца дзякуючы атрыманым грошам з фонду Прэзідэнта па падтрымцы культуры і мастацтва.

Акрамя таго, Гальшанскі замак з’яўляецца ўдзельнікам дзяржпраграмы «Культура Беларусі», разлічанай на 2016–2020 гады, і сёлета пададзена паўторная заяўка на дадатковае фінансаванне.

Аліса СКІБА

Фота аўтара

Выбар рэдакцыі

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.