Намеснік старшыні Савета Рэспублікі Анатоль ІСАЧАНКА правёў асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб.
Прыём прайшоў у Калодзежскім сельскім выканаўчым камітэце Чэрвеньскага раёна Мінскай вобласці і быў арганізаваны ў новым фармаце, паведамілі ў прэс-службе верхняй палаты парламента. Акрамя традыцыйнай формы звароту задаць пытанне віцэ-спікеру Савета Рэспублікі можна было таксама падчас анлайн-трансляцыі ў сацыяльных сетках.
— Такі фармат дазваляе грамадзянам атрымаць яшчэ адзін канал камунікацыі з прадстаўнікамі ўлады, а таксама пачуць адказы на падобныя пытанні, з якімі звяртаюцца заяўнікі, — адзначыў Анатоль Ісачанка.
На думку намесніка старшыні Савета Рэспублікі, прадстаўнікам улады неабходна больш актыўна выкарыстоўваць інтэрактыўныя сэрвісы і сацыяльныя сеткі ў рабоце з людзьмі.
Падчас прыёму да парламентарыя звярнуліся жыхары вёскі Ведрыца Чэрвеньскага раёна з просьбай падключыць электрычнае ацяпленне, бо існуючая паветраная лінія была пабудавана яшчэ ў 1968 годзе і не адпавядае тэхнічным умовам для падключэння электрычнага ацяплення. Таксама быў разгледжаны шэраг зваротаў, якія датычыліся бытавых праблем грамадзян.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!