Вы тут

НАН Беларусі зацвердзіла план мерапрыемстваў па правядзенні Года народнага адзінства


У Нацыянальнай акадэміі навук зацверджаны план мерапрыемстваў па правядзенні Года народнага адзінства. Гэта, у першую чаргу, мерапрыемствы, скіраваныя на кансалідацыю грамадства, згуртаванне беларускага народа на аснове ідэй суверэнітэту і незалежнасці краіны, мерапрыемствы па пашырэнні канструктыўнага дыялогу ў грамадстве і ўключэнню ў яго моладзі, а таксама шэраг мерапрыемстваў па ўмацаванні міжканфесійнага міру і міжнацыянальнай згоды, удасканаленні работы з беларусамі замежжа. У план увайшлі таксама знакавыя мерапрыемствы Савета маладых навукоўцаў НАН Беларусі. Усяго ў спіс уключана каля 30 пунктаў. Але, як адзначыў старшыня Прэзідыума НАН Беларусі Уладзімір Гусакоў, згаданы план — гэта толькі аснова. На працягу года ён будзе напаўняцца новымі знакавымі мерапрыемствамі і ініцыятывамі.


У Год народнага адзінства навукоўцы запланавалі правядзенне навуковых форумаў і канферэнцый, падрыхтоўку навуковых і навукова-папулярных публікацый, прысвечаных развіццю грамадзянскай супольнасці і інстытута мясцовага самакіравання, гісторыі беларускай дзяржаўнасці і подзвігу беларускага народа ў Вялікай Айчыннай вайне. Будуць праведзены лекторыі, дыскусійныя пляцоўкі, круглыя сталы «Грамадзянская супольнасць і дзяржава», рэгіянальныя канферэнцыі, прэзентацыі новых выданняў навукоўцаў Акадэміі навук.

Запланавана таксама правядзенне круглага стала «Сацыяльныя і эканамічныя прыярытэты і механізмы ўмацавання народнага адзінства» ў рамках Міжнароднай навукова-практычнай канферэнцыі «Стратэгія развіцця эканомікі Беларусі: выклікі, інструменты рэалізацыі і перспектывы». Да Дня роднай мовы прымеркаваны круглы стол «Стварэнне беларускамоўнай заканадаўчай базы як фактар гарманічнага развіцця грамадства».

На працягу года будуць праведзены сацыялагічныя даследаванні «Народнае адзінства як фактар умацавання беларускай дзяржавы» і прэзентацыя дзесяцітомнага збору твораў Янкі Брыля.

Пройдуць буйныя навуковыя форумы: Міжнародная навукова-практычная канферэнцыя «Гістарычная памяць і патрыятызм як важнейшыя маральныя арыенціры беларускага грамадства і дзяржавы. Фактары кансалідацыі ва ўмовах сучасных выклікаў і пагроз», Міжнародная навуковая канферэнцыя «Рыжскі мір 1921 года ў лёсе беларускага народа (да
100-годдзя заключэння)», Міжнародная навуковая канферэнцыя «Германская агрэсія супраць СССР (да 80-годдзя трагедыі пачатку Вялікай Айчыннай вайны)» і іншыя. Адбудуцца таксама рэгіянальныя канферэнцыі: «Капыльскія чытанні — 2021», «ІX Лепельскія чытанні», «Чачэршчына: вяртанне да вытокаў», XІV Карэліцкія краязнаўчыя чытанні «Гісторыка-культурная спадчына Карэліччыны».

Надзея НІКАЛАЕВА

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.