Вы тут

Сенатар Віктар Лісковіч: Цікавасць да рабочых прафесій трэба прывіваць з дзіцячага садка


Апошнім часам пачасціліся кантакты членаў Савета Рэспублікі з моладдзю ў рэгіёнах краіны. Такія сустрэчы дазваляюць сенатарам лепш і з першых вуснаў пачуць аб тым, што на самай справе хвалюе юнакоў і дзяўчат.


Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч ў рамках рабочай паездкі на Гродзеншчыну ў фармаце дыялогавай пляцоўкі правёў сустрэчу з навучэнцамі  Навагрудскага дзяржаўнага сельскагаспадарчага прафесійнага ліцэя. Сенатар і яго суразмоўцы абмяняліся думкамі аб тым, як зацікавіць маладых людзей авалодваць рабочымі спецыяльнасцямі, як увогуле павысіць прэстыж рабочых прафесій.

Напрыклад, у ліцэі і яго філіяле 300 юнакоў і дзяўчат набываюць прафесіі повара, афіцыянта, трактарыста, электрагазазваршчыка і інш. Паспяхова развіваецца таксама навучанне па аграрных спецыяльнасцях. У ліцэі ўкараняецца дыстанцыйная формы навучання і мабільныя тэхналогіі. Тут, па словах старшыні Пастаяннай камісіі, робяць тое, што не ўмеюць іншыя, і ператвараюць свае дасягненні ў выдатныя рэчы.

У ходзе размовы парламентарый адзначыў, што цікавасць да рабочых прафесій трэба прывіваць яшчэ з дзіцячага садка, а ўжо ў школе ствараць належныя ўмовы для іх авалодваннем. Кожны павінен засвоіць хаця бы адну рабочую прафесію, бо ў жыцці, так ці інакш, яна абавязкова спатрэбіцца, сказаў Віктар Лісковіч.

Леанід ТУГАРЫН

Фота sovrep.gov.by

Выбар рэдакцыі

Эканоміка

Спецыялісты расказалі пра асаблівасці функцыянавання АЭС

Спецыялісты расказалі пра асаблівасці функцыянавання АЭС

Пра кантроль за станам АЭС расказалі эксперты Дзяржатамнагляда.