Вы тут

Урад зацвердзіў дзяржпраграму па ахове навакольнага асяроддзя да 2025 года


Урад зацвердзіў дзяржаўную праграму «Ахова навакольнага асяроддзя і ўстойлівае выкарыстанне прыродных рэсурсаў» на 2021-2025 гады. Гэта прадугледжана пастановай Савета Міністраў ад 19 лютага 2021 года нумар 99, апублікаванай на Нацыянальным прававым інтэрнэт-партале.


«Беларусі ўдалося захаваць унікальнае для паўнацэннага і разнастайнага жыцця людзей навакольнае прыроднае асяроддзе. У сусветным рэйтынгу па індэксе экалагічнай эфектыўнасці Беларусь займае 49-ю пазіцыю са 180 краін», — гаворыцца ў дакуменце.

Праграма накіравана на забеспячэнне экалагічна спрыяльных умоў для жыццядзейнасці грамадзян, аховы навакольнага асяроддзя, захаванне і ўстойлівае выкарыстанне прыродных рэсурсаў. У яе ўключаны шэсць падпраграм, у тым ліку па гідраметэаралогіі, абыходжанні са стойкімі арганічнымі забруджвальнікамі, захаванні біялагічнай і ландшафтнай разнастайнасці, маніторынгу і ахове навакольнага асяроддзя, а таксама «Нетры Беларусі».

Сярод задач на пяцігодку — нарошчванне мінеральна-сыравіннай базы, укараненне сучасных тэхналогій гідраметэаралагічных назіранняў, змякчэнне ўздзеяння на клімат і адаптацыя да яго змяненняў, захаванне і аднаўленне экалагічных сістэм, забеспячэнне рацыянальнага выкарыстання прыродных рэсурсаў. У планах вывучэнне падземнай гідрасферы, пошук і разведка прэсных і мінеральных падземных вод для забеспячэння патрэбнасцей насельніцтва, удасканаленне сістэмы кіравання гідраметэаралагічнай дзейнасцю і сістэмай менеджменту якасці, павышэнне кваліфікацыі супрацоўнікаў. Таксама дзяржпраграмай прадугледжана распрацоўка планаў кіравання басейнамі рэк Нёман і Заходняя Дзвіна, вядзенне рэестра асабліва ахоўных прыродных тэрыторый Беларусі.

Для фінансавання мерапрыемстваў праграмы неабходны сродкі ў памеры большым за Br385 млн.

Пастанова ўступае ў сілу пасля афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2021 года.

Фота wikiquote.org

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Чым прыцягвае чытачоў часопіс «Алеся»?

Чым прыцягвае чытачоў часопіс «Алеся»?

Размова з галоўным рэдактарам Ларысай Ракоўскай.

Грамадства

Анатомія мезальянсу. Чаму няроўныя шлюбы былі, ёсць, будуць?

Анатомія мезальянсу. Чаму няроўныя шлюбы былі, ёсць, будуць?

Любоўных гісторый, якія прыцягваюць павышаную ўвагу грамадства, нямала.

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.