Вы тут

Спецыялісты склалі рэйтынг самых папулярных запытаў на AlіExpress у канцы мінулага года


За апошнія тры месяцы года карыстальнікі з нашай краіны зрабілі амаль 6,5 млрд пошукавых запытаў на AlіExpress — гэта значыць, амаль па 700 запытаў у пераліку на кожнага жыхара краіны. Што яны шукалі найбольш актыўна?


Сярод лідараў рэйтынгу ёсць як цалкам чаканыя, так і значна менш відавочныя пазіцыі. Напрыклад, не стала сюрпрызам папулярнасць запытаў «навушнікі» (2-е месца) і «навушнікі бесправадныя» (4-е месца): іх беларусы актыўна заказвалі на працягу ўсяго года. Тое ж самае можна сказаць і пра пульсаксіметры (прыбор для вымярэння насычанасці крыві кіслародам): гэты запыт трапіў на 6-е месца ў спісе самых папулярных.

На трэцяй пазіцыі рэйтынгу апынуўся пошукавы запыт xіaomі: розную тэхніку гэтага брэнда жыхары Беларусі ведаюць досыць добра і даўно — і актыўна заказваюць на анлайн-версіі ўсходняга рынку. Як і прадукцыю кампаніі Apple, уключаючы яе самыя актуальныя навінкі і аксесуары да іх: запыт «чахол на айфон 11» апынуўся ў рэйтынгу сярод самых папулярных на 5-м месцы.

Напярэдадні Новага года многія пазіцыі ў рэйтынгу былі прысвечаны прыгажосці і ўпрыгажэнням. Так, на сёмым радку рэйтынгу размясціўся пошукавы запыт «гель-лак для пазногцяў», на восьмым — «пярсцёнкі», а на дзясятым — «касметыка». А запытам, які заняў першае месца ў рэйтынгу папулярнасці, аказаліся «завушніцы». Іх шукалі 29 мільёнаў разоў за апошні квартал года.

Сяргей КУРКАЧ

Загаловак у газеце: Навушнікі, касметыка і айфоны, але галоўнае... завушніцы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.