Дадатнае сальда знешняга гандлю Беларусі за 2020 год склала $ 1,9 мільярда. На гэта звярнуў увагу міністр замежных спраў Уладзімір Макей, выступаючы сёння на пасяджэнні калегіі МЗС Беларусі па разглядзе вынікаў работы органаў дыпламатычнай службы за 2020 год, паведамляе БелТА.
«Увядзенне большасцю краін-партнёраў жорсткіх абмежавальных мер у сувязі з пандэміяй, сыход ад звыклага фармату вядзення дыялогу, паўсюднае ўзмацненне пратэкцыянізму — усё гэта прывяло да зніжэння эканамічнай актыўнасці ў глабальным маштабе, — канстатаваў кіраўнік міністэрства. — Паводле ацэнкі СГА і МВФ, аб’ём сусветнага гандлю ў 2020 годзе скараціўся на 9,6%».
Пры гэтым Уладзімір Макей падкрэсліў: «Нягледзячы на зніжэнне інтэнсіўнасці кантактаў, уключаючы немагчымасць правядзення візітаў на вышэйшым і высокім узроўнях, галіновых і дзелавых абменаў, мы здолелі захаваць шчыльную прысутнасць на знешніх рынках, задзейнічалі новыя фарматы дыстанцыйнага ўзаемадзеяння для падтрымання дынамікі супрацоўніцтва з асноўнымі партнёрамі» .
«Важна адзначыць выкананне ключавога параметру эфектыўнасці знешнеэканамічнай дзейнасці — збалансаванасці знешняга гандлю таварамі і паслугамі. Дадатнае сальда склала $1,9 млрд (у 2019 годзе — мінус $ 403 млн), або 3,2% ад ВУП пры прагнозе 1%», — прывёў лічбы міністр.
Прэв’ю: pixabay.com
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
