Вы тут

Уладальнікі аўто даведаюцца сумы транспартнага падатку да 1 верасня


Паведамлення падатковага органа з указаннем сумы транспартнага падатку ўладальнікі транспартных сродкаў атрымаюць не пазней за 1 верасня. Пра гэта агенцтву «Мінск-Навіны» паведамілі ў прэс-цэнтры Міністэрства па падатках і зборах Беларусі.


Атрымаўшы паведамленне, аўтаўладальнік павінен заплаціць падатак не пазней за 15 лістапада года, наступнага за мінулым каляндарным годам.

У ведамстве таксама звярнулі ўвагу на тое, што падатак неабходна выплачваць за кожны транспартны сродак, які зарэгістраваны ў Дзяржаўтаінспекцыі.

Нагадаем, транспартны падатак быў уведзены ў Беларусі з 1 студзеня бягучага года. Парадак вылічэння і выплаты выкладзены ў чале 28-1 Падатковага кодэкса Рэспублікі Беларусь.

Фізічным асобам транспартны падатак вылічваецца зыходзячы з устаноўленых ставак, якія ў сваю чаргу фармуюцца ў залежнасці ад дазволенай максімальнай масы, ёмістасці транспартнага сродку. Калі ж інфармацыі аб масе аўто няма, то стаўка транспартнага падатку ўсталёўваецца ў памеры мінімальнай стаўкі такога падатку для адпаведнага тыпу транспартнага сродку.

Пры гэтым стаўка зніжаецца на 50% для аўто, якія зарэгістраваныя на ветэранаў Вялікай Айчыннай вайны, інвалідаў I або II групы і пенсіянераў, у тым ліку асоб, якія маюць права на пенсію па ўзросту са зніжэннем агульнаўстаноўленага пенсіённага ўзросту. А ўладальнікі аўто, якія маюць інваліднасцю III групы, выплачваюць менш на 25%.

Акрамя гэтага, поўнае або частковае вызваленне ад выплаты транспартнага падатку маюць права атрымаць фізічныя асобы, якія знаходзяцца ў цяжкай жыццёвай сітуацыі. Дадзенае рашэнне прымаецца мясцовымі Саветамі дэпутатаў або па iх даручэнню выканаўчымі і распарадчымі органамі.

Льгота прадастаўляецца з 1-га чысла месяца, у якім паўстала права на льготу. Пры страце права на льготу выплата транспартнага падатку праводзiцца з 1-га чысла месяца, наступнага за месяцам, у якім такое права згублена.

МПЗ звяртае ўвагу на тое, што больш падрабязную інфармацыю па пытаннях падаткаабкладання можна атрымаць у тэлефоннай даведачнай сістэме падатковых органаў па тэлефоне (017) 229-79-79 або 189 (стацыянарная сетка).

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.