Вы тут

«Трэба правесці «інвентарызацыю» партый...»


Так лічыць Алег Дзячэнка, член Савета Рэспублікі Нацыянальнага сходу Рэспублікі Беларусь сёмага склікання ад Магілёўскай вобласці, дэлегат VІ Усебеларускага народнага сходу.


— Усебеларускі народны сход — гэта яшчэ адна магчымасць дэмакратычна і на высокім узроўні шчыра і адкрыта абмеркаваць пытанні сацыяльна-эканамічнага і грамадска-палітычнага развіцця сучаснага беларускага грамадства. Напярэдадні яго былі сабраныя і абагульненыя тысячы прапаноў, якія атрымалі адабрэнне дэлегатаў VІ Усебеларускага народнага сходу.

Найбольш актуальныя тэмы — гэта канстытуцыйная рэформа і партыйнае будаўніцтва. Маё асаблівае меркаванне — не варта спяшацца са стварэннем новых партый. Іх і так дастаткова для паўнавартаснага палітычнага жыцця. З трыбуны Усебеларускага народнага сходу была агучана цікавая прапанова — правесці своеасаблівую «інвентарызацыю» і перарэгістраваць палітычныя партыі. Тыя з іх, якія страцілі давер людзей і існуюць толькі ў дакументах, неабходна неадкладна вывесці за перыметр палітычнага працэсу.

Заслугоўвае ўвагі прынятае рашэнне аб прызнанні Усебеларускага народнага сходу вышэйшай формай народнага прадстаўніцтва і надання яму адмысловага прававога статусу, які будзе замацаваны ў заканадаўстве.

Мы захавалі палітычны курс на пабудову дзяржавы для народа, на абарону сацыяльных заваёў працоўных. Мінулы год усім наглядна прадэманстраваў устойлівасць беларускай сацыяльна-эканамічнай і грамадска-палітычнай сістэмы. Гэта прызнаюць і нашы палітычныя праціўнікі, якія выехалі за мяжу і фактычна пагадзіліся са сваім паражэннем у палітычным жыцці. Народ у сваёй большасці іх не падтрымаў.

Дэлегаты VІ Усебеларускага народнага сходу аднадушна падтрымалі Праграму сацыяльна-эканамічнага развіцця нашай краіны на 2021—2025 гады. Такой грунтоўнай праграмы не было і няма ў нашых палітычных апанентаў.

2021 год аб'яўлены ў нашай краіне Годам народнага адзінства. Перад пагрозай унутраных і знешніх выклікаў усім беларусам неабходна аб'яднацца для абароны нацыянальных інтарэсаў, захавання сваёй ідэнтычнасці, грамадства і дзяржавы.

Выбар рэдакцыі

Грамадства

​Жыхары Кобрына аднавілі бабуліну хату ў вёсцы і ствараюць аграсядзібу

​Жыхары Кобрына аднавілі бабуліну хату ў вёсцы і ствараюць аграсядзібу

Яшчэ некалькі гадоў таму Людміла і Уладзімір Жарын былі звычайнымі жыхарамі райцэнтра.

Культура

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

«На схіле ўзгорка, нібы падпіраючы замак, растуць дзве даўгалетнія сасны. Яны захаваліся дзякуючы пашыранаму сярод гараджан і навакольных жыхароў перакананню, што яны выраслі не на раслінным соку, а на крыві».