Вы тут

Рачкоў: Беларусь выбудоўвае дыялог з партнёрамі на прынцыпах павагі і ўзаемаразумення


Беларусь выбудоўвае дыялог з партнёрамі на прынцыпах павагі і ўзаемаразумення, заявіў журналістам старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў, перадае БелТА.


«Мы кіруемся ўніверсальнымі прынцыпамі. Мы выбудоўваем дыялог на аснове ўзаемнай павагі, узаемаразумення, неўмяшання ва ўнутраныя справы і хацелі б, каб гэтак жа да нас ставіліся. Ну і, вядома, пошук пытанняў, якія аб’ядноўваюць і па якіх мы можам супрацоўнічаць, — сказаў Сяргей Рачкоў. — Вы бачыце, што апошнім часам адбываецца ў міжнародных адносінах. Аб супрацоўніцтве толькі заяўляецца, але на самай справе размова ідзе аб націску, аб санкцыйным уздзеянні, што ў прынцыпе мала суадносіцца з супрацоўніцтвам».

Напярэдадні адкрылася 20-е зімовае пасяджэнне Парламенцкай асамблеі АБСЕ, прадоўжыцца па 26 лютага. Яно праходзіць у фармаце відэа-канферэнц-сувязі. У пасяджэнні ўдзельнічаюць дэпутаты Палаты прадстаўнікоў і члены Савета Рэспублікі Нацыянальнага сходу Беларусі. Сёння праходзіць сумеснае пасяджэнне трох агульных камітэтаў Парламенцкай Асамблеі АБСЕ з удзелам беларускай дэлегацыі ў ПА.

«Хацелася б, каб мы рушылі наперад з нашай ініцыятывай — праектам рэзалюцыі „Прадухіленне ўжывання наркотыкаў сярод дзяцей і моладзі“, якая будзе ўносіцца. Тэматыка вельмі актуальная і важная. Мы заўсёды выступаем на міжнародных пляцоўках па аб’яднальных тэмах. Гэта наша разуменне ў цэлым тых магчымасцей, якія ёсць у міжнародных арганізацый, каб мы знаходзілі больш агульных інтарэсаў і падыходаў», — адзначыў сенатар.

Сяргей Рачкоў не выключыў, што ў замежных калег могуць узнікнуць пытанні і па сітуацыі ў Беларусі. «Мы да гэтага гатовы, і наша пазіцыя транспарэнтная і зразумелая. Мы выступаем з пазіцыі неўмяшання ва ўнутраныя справы Беларусі. Тыя, хто хацеў, тыя прыехалі і назіралі за прэзідэнцкімі выбарамі ў Беларусі, знайшлі такую магчымасць. І хачу сказаць, як чалавек, які тройчы працаваў у місіях БДІПЧ АБСЕ па назіранні за выбарамі двойчы Прэзідэнта ЗША і адзін раз — мясцовых выбараў у Албаніі. У БДІПЧ АБСЕ ёсць розныя фарматы, якія яна можа выкарыстоўваць для назірання за выбарамі. Нават вось у такіх няпростых умовах пандэміі, можа ў нейкіх форс-мажорных умовах. Але тым не менш мы адкрыты, гатовы да дыялогу і не баімся нават складанага дыялогу, — канстатаваў ён. — Але хачу падкрэсліць, што ў нас дастаткова плённа развіваецца дыялог як у рамках АБСЕ, так і з многімі еўрапейскімі краінамі і ў цэлым ЕС».

Член Пастаяннай камісіі па прамысловасці, паліўна-энергетычным комплексе, транспарце і сувязі Палаты прадстаўнікоў Дзяніс Карась нагадаў, што ў мінулым годзе летняя сесія ПА АБСЕ не адбылася з-за эпідсітуацыі. «У час зімовай сесіі будуць узнімацца пытанні садзейнічання ўмацаванню міжпарламенцкага супрацоўніцтва. Адзін з немалаважных аспектаў — прадухіленне ўжывання наркотыкаў сярод дзяцей і моладзі. У большасці сваёй краіны падтрымліваюць гэту ініцыятыву Беларусі. Але ёсць пэўныя краіны, якія не зусім зацікаўлены ў гэтай ініцыятыве, паколькі ў іх палітыка накіравана на легалізацыю лёгкіх наркотыкаў», — адзначыў ён.

Парламентарый дадаў, што міжпарламенцкае супрацоўніцтва ў рамках АБСЕ нацэлена садзейнічаць дыялогу, падтрымліваць дэмакратычныя інстытуты ў дзяржавах-удзельніцах, развіваць супрацоўніцтва і ўмацоўваць бяспеку ў рэгіёне.

Прэв’ю: БелТА

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.