Вы тут

У Брэсце могуць з'явіцца яхт-гатэль і гольф-курорт


Распрацавана канцэпцыя новай ландшафтна-рэкрэацыйнай зоны «Вялікі парк г. Брэста». Занаванне мяркуе размяшчэнне ў пойме Мухаўца шэрагу цікавых лакацый. Канцэпцыя сёння была прадстаўлена старшынёй Брэсцкага гарвыканкама Аляксандрам Рагачуком на пасяджэннi гаспадарчага актыву Брэста, піша sb.by.


Фота pixabay.com мае ілюстрацыйны характар.

— Праект павінен стаць адным з драйвераў развіцця горада ў 2021 годзе і на працягу цэлай пяцігодкі. Гэта ландшафтна-рэкрэацыйная зона «Вялікі парк г. Брэста». Інвестыцыйны патэнцыял дадзенай тэрыторыі складзены з унікальнага геаграфічнага размяшчэння горада, ужо створанай інфраструктуры і бязвізавага парадку ўезду. Маючы 3 тысячы гектараў зямлі ў пойме ракі Мухавец, юрыдычна актуальны Генеральны план развіцця горада Брэста і схему азелянення, якая цяпер праходзіць працэдуру грамадскага абмеркавання, мы распрацавалі канцэпцыю занавання дадзенай тэрыторыі, — распавёў Аляксандр Рагачук.

Занаванне прапануецца наступнае. Культурна-гістарычная зона зойме 243 гектары, ландшафтна-рэкрэацыйны парк «Заказнік Соі» — 88 гектараў. Пад гандлёва-забаўляльны комплекс можа быць выдзелена 29 гектараў, шматфункцыянальны комплекс «Горад у горадзе» — 27 гектараў. Зоне актыўнага адпачынку адводзіцца 127 гектараў, спартыўнаму кластару — 258, гольф-курорту — 136. Канцэртныя пляцоўкі могуць заняць 37 гектараў, яхт-гатэль — 83 гектары, рачны і сямейны курорты — 159 і 158 гектараў адпаведна. Зоне коннага спорту могуць быць вылучаныя 189 гектараў.

Выбар рэдакцыі

Грамадства

​Жыхары Кобрына аднавілі бабуліну хату ў вёсцы і ствараюць аграсядзібу

​Жыхары Кобрына аднавілі бабуліну хату ў вёсцы і ствараюць аграсядзібу

Яшчэ некалькі гадоў таму Людміла і Уладзімір Жарын былі звычайнымі жыхарамі райцэнтра.

Культура

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

«На схіле ўзгорка, нібы падпіраючы замак, растуць дзве даўгалетнія сасны. Яны захаваліся дзякуючы пашыранаму сярод гараджан і навакольных жыхароў перакананню, што яны выраслі не на раслінным соку, а на крыві».