Вы тут

З розных людзей — адзіны народ


На калегіі апарата Упаўнаважанага па справах рэлігій ды нацыянальнасцяў падвялі вынікі працы за год мінулы, акрэслілі напрамкі дзейнасці ў Год народнага адзінства.


Дзейнасць гэтай дзяржструктуры, як вядома, цесным чынам спалучана як з інтарэсамі беларусаў замежжа, так і з жыццём прадстаўнікоў розных нацыянальнасцяў у Беларусі. У Год народнага адзінства, мяркуем, будуць цікавыя сумесныя праекты, вартыя ўвагі прэсы. А некаторыя актывісты дыяспары, якія былі запрошаныя на Усебеларускі народны сход, мелі магчымасць сустрэцца з новым Упаўнаважаным — Аляксандрам Румакам. Выступаючы ж 18 лютага на калегіі, ён адзначыў: падтрыманне ў грамадстве атмасферы талерантнасці ды ўзаемнай павагі, недапушчэнне любых праяў дыскрымінацыі па рэлігійных, нацыянальных прыкметах і звязанай з імі нецярпімасці застаецца прыярытэтным напрамкам дзяржаўнай палітыкі ў этнаканфесійнай сферы.

На калегіі падвялі вынікі работы за мінулы год дзяржорганаў па справах рэлігій ды нацыянальнасцяў. Апошнія працавалі ў межах Праграмы развіцця канфесійнай сферы, нацыянальных дачыненняў і супрацоўніцтва з суайчыннікамі за мяжой, зацверджанай на 2016–2020 гады. Тэрмін яе дзеяння закончыўся, таму абмеркаваны праект аналагічнай праграмы на пяцігодку, сфармуляваныя задачы на 2021 год. А працы ў службоўцаў з гэтай сферы нямала. На калегіі адзначалася: у Беларусі на 1 студзеня былі афіцыйна зарэгістраваныя 205 грамадскіх аб’яднанняў ды іх аргструктур 25‑і нацыянальных супольнасцяў, а таксама 25‑і рэлігійных канфесій ды напрамкаў. Дзейнічае ў краіне 3569 рэлігійных структур: 3395 суполак і 174 арганізацыі, якія маюць агульнаканфесійнае значэнне. У іх ліку — 49 рэлігійных аб’яднанняў, 37 місій, 44 манастыры, 16 брацтваў і 10 сястрынстваў, 18 духоўных навучальных устаноў. На тэрыторыі Беларусі дзейнічаюць 2783 культавыя будынкі розных канфесій, 205 узводзяцца. Дарэчы, многім з тых рэлігійных і нацыянальна-культурных грамадскіх арганізацый летась органы дзяржкіравання дапамагалі вырашаць сацыяльна-значныя пытанні. Пры тым строга выконваліся Канстытуцыя Беларусі, заканадаўства аб свабодзе сумлення й рэлігійных арганізацыях, аб нацыянальных меншасцях, вырашаліся задачы, вызначаныя Кіраўніком дзяржавы і Урадам.

Як знакавая падзея 2020 года на калегіі згадваўся патрыятычны праект “У славу Агульнай Перамогі”. Дарэчы, і наша газета пра яго рэалізацыю не раз пісала. Многія чытачы ведаюць, што 8 мая ў Храме-помніку ў гонар Усіх Святых і ў памяць аб ахвярах, якія выратаванню Айчыны нашай паслужылі, з удзелам Кіраўніка дзяржавы й прадстаўнікоў рэлігійных канфесій прайшла цырымонія закладкі капсул з зямлёй, узятай у месцах воінскай славы ды гібелі мірнага насельніцтва, з гарадоў-герояў краін былога СССР і замежных дзяржаў.

Значны грамадскі рэзананс у Беларусі мелі ўрачыстасці, прысвечаныя святкаванню 550‑годдзя здабыцця цудатворнай Жыровіцкай іконы Божай Маці ды 500‑годдзя з часу заснавання Свята-Успенскага Жыровіцкага стаўрапігіяльнага мужчынскага манастыра (Слонімскі раён, Гродзеншчына). Святочныя імпрэзы праведзены былі ў два этапы: 20 мая прайшло набажэнства, 2 кастрычніка — асвячэнне помніка ў гонар Серафіма Жыровіцкага й званоў часовай званіцы, закладка каменя на месцы будучай званіцы.

Летась былі рэалізаваны й многія мерапрыемствы падпраграмы “Беларусы ў свеце” Дзяржпраграмы “Культура Беларусі” на 2016–2020 гады. Дзякуючы праекту Упаўнаважанага “Адміністрацыйны рэгіён Беларусі — арганізацыя суайчыннікаў за мяжой” пашыраецца такая важная супраца і ў чарговы раз былі ўручаны дыпломы тым, хто найбольш плённа ў гэтым кірунку працуе: 16 рэгіёнам Беларусі ды розным арганізацыям суайчыннікаў за мяжой. І сёлета структуры, прадстаўнікі апарата Упаўнаважанага прадоўжаць супрацу з рэлігійнымі арганізацыямі, нацыянальна-культурнымі грамадскімі аб’яднаннямі ды суполкамі суайчыннікаў за мяжой. І беларусам замежжа варта памятаць пра тое ў сваёй дзейнасці.

Напрыканцы ўдзельнікі калегіі знаёміліся з фотавыставай “Беларусь шматнацыянальная”, што экспануецца ў офісе апарата Упаўнаважанага.

Ганна Лагун

Нумар у фармаце PDF

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.