Ва ўсіх гарадах Беларусі людзі адчуваюць сябе абароненымі. Такое меркаванне выказаў міністр унутраных спраў Іван Кубракоў у інтэрв’ю праграме «Контуры» на тэлеканале АНТ.
«Маё меркаванне, як грамадзяніна, бацькі, мужа, як чалавека, які жыве ў грамадстве, такое, што на сённяшні дзень ва ўсіх гарадах рэспублікі, а не толькі ў Мінску, людзі адчуваюць сябе абароненымі. Да нас вельмі шмат людзей звяртаецца па розных пытаннях , нават па тых, якія не зусім датычацца міліцыі, але мы рэагуем на ўсё і даволі аператыўна, бо калі да нас звяртаюцца людзі, значыць, мы ім патрэбныя», - адзначыў кіраўнік ведамства. Ён падкрэсліў, што сёння становішча ў краіне знаходзіцца пад кантролем, забяспечваецца бяспека грамадзян і ахова грамадскага парадку на вуліцах гарадоў Беларусі.
Міністр адзначыў, што задачы, якія стаяць перад органамі ўнутраных спраў, нязменныя вось ужо шмат гадоў. Гэта забеспячэнне бяспекі грамадзян і абарона іх маёмасці. «Так аператыўная абстаноўка ў краіне змянялася, адбыліся пэўныя падзеі ў жніўні мінулага года. Тады мы больш надавалі ўвагі забеспячэнню грамадскай бяспекі і парадку на вуліцах, але супрацоўнікі органаў унутраных спраў, нягледзячы на вялікую нагрузку і групавыя парушэнні грамадскага парадку, працягвалі выконваць усе задачы, якія стаяць перад міліцыяй», - дадаў ён.
Прэв’ю: БЕЛТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
