Вы тут

Мінпрыроды заклікае адмовіцца ад збору і куплі першацветаў


Міністэрства прыродных рэсурсаў і аховы навакольнага асяроддзя заклікае адмовіцца ад збору і куплі першацветаў, паведамілі на сайце Мінпрыроды.


Першацвет — вельмі ўразлівыя расліны. Яны квітнеюць ўсяго некалькі тыдняў. Асноўныя працэсы, якія забяспечваюць іх выжыванне, ідуць пад зямлёй — у каранях, клубнях і цыбулінах. За невялікі час раслінам патрабуецца назапасіць пажыўныя рэчывы, неабходныя для наступнага года, паспявання і рассейвання насення. Зрываючы кветкі, мы не даем расліне сфармираваць насенне для новых пакаленняў. Акрамя таго, расліна слабее і можа загінуць.

У Беларусі расце мноства першацветаў, сярод якіх ёсць віды, уключаныя ў Чырвоную кнігу. Да іх адносяцца прастрэл лугавы і раскрыты, фіялка тваністая, мядунка вузкалістная, чарамша і іншыя віды рэдкіх і якія знаходзяцца пад пагрозай знікнення раслін.

Штогадовы масавы збор першацветаў ў сакавіку-красавіку можа быць прычынай іх знікнення ў прыродзе. «Збіраючы першацвет, мы губім іх, а купляючы — заахвочваем браканьераў, — патлумачылі ў міністэрстве. — Не варта ірваць вясновыя кветкі на букеты, лепш любавацца імі ў натуральным асяроддзі і захаваць прыгажосць прыроды для будучых пакаленняў. Адмова купляць кветкі, якія знаходзяцца пад пагрозай знікнення, дасць ім шанец квітнець кожную вясну».

Збор і перасадка дзікарослых раслін, уключаных у Чырвоную кнігу, у Беларусі забароненыя. Парушальнікі прыцягваюцца да адміністрацыйнай адказнасці ў адпаведнасці з Кодэксам аб адміністрацыйных правапарушэннях, ім пагражаюць штрафы.

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.