Белстат распавёў, на што больш за ўсё трацілі грошы беларусы ў чацвёртым квартале мінулага года

Белстат апублікаваў выбарачнае абследаванне хатніх гаспадарак па ўзроўні жыцця.

Паводле даных, у Беларусі ў IV квартале 2020 г. наяўныя рэсурсы ў разліку на хатнюю гаспадарку склалі 1488,2 рубля ў месяц, у тым ліку ў гарадах і пасёлках гарадскога тыпу — 1581,6 рубля ў месяц , у сельскіх населеных пунктах — 1241,4 рубля ў месяц.

Грашовыя выдаткі ў разліку на хатнюю гаспадарку склалі 1414,3 рубля ў месяц, з якіх 1063,7 рубля (75,2%) прыпадае на спажывецкія расходы.

У структуры спажывецкіх расходаў хатніх гаспадарак доля расходаў на харчаванне склала 38,6%, на куплю нехарчовых тавараў — 34,5%, на аплату паслуг — 24,3%.

Прэв’ю: pixabay.com