Вы тут

Беларускія прадпрыемствы падпісалі кантракты на $7 млн на харчовай выстаўцы ў Дубаі


Беларускія прадпрыемствы падпісалі кантракты на $7 млн на харчовай выстаўцы ў Дубаі, паведамілі БЕЛТА ў выставачным прадпрыемстве «Белінтэрэкспа» БелГПП.


Фота: «Белінтэрэкспа»

«25 беларускіх прадпрыемстваў харчовай галіны прынялі ўдзел у нацыянальнай экспазіцыі Belarus. The Taste of Nature на найбуйнейшай харчовай выстаўцы Gulfood 2021. Айчынныя вытворцы прадставілі мясную і малочную прадукцыю, вырабы з мяса птушкі і яек, бакалею і кандытарскія вырабы. Вынікамі работы гэтых прадпрыемстваў у Дубаі сталі кантракты з партнёрамі з ААЭ, Бангладэша, Ганы, Егіпта, Іарданіі, Ірана, Ірака, Емена, Лівана, Лівіі, Пакістана, Саудаўскай Аравіі, Сербіі, Сірыі на агульную суму большую за $7 млн», — адзначылі ў «Белінтэрэкспа».

У прыватнасці, кампанія «Праймілк» паставіць прадукцыю на $5 млн. ААТ «Гродзенская тытунёвая фабрыка «Нёман» заключыла кантракт на $1 млн на пастаўку сваёй прадукцыі. $500 тыс. — сума здзелкі ТАА «Белхарчпрам» з эмірацкімі партнёрамі. ААТ «Рагачоўскі малочнакансервавы камбінат» заключыла кантракт на пастаўку першай партыі сметанковага масла 82,5%-ай тлустасці ў ААЭ. Аб’ём пастаўкі — 25 т. Прадукцыя гэтага вытворцы — пітное стэрылізаванае малако — зацікавіла кліентаў з Емена. Кампаніі з Бангладэш і Ганы звярнулі ўвагу на згушчанае малако, а прадстаўнікі лівійскай дэлегацыі — на канцэнтраванае малако без цукру.

Сярод іншых вынікаў работы беларускіх прадпрыемстваў на выстаўцы — выхад ААТ «Салігорская птушкафабрыка» ў фінал конкурсу Gulfood Innovation Awards 2021 у катэгорыі «Самы інавацыйны прадукт з мяса і птушкі». Прадукт, які звярнуў на сябе ўвагу экспертнага журы, — яйкі курыныя і перапёлкі, вэнджаныя па ўнікальнай тэхналогіі на натуральных альховых шчэпках, растлумачылі ў выставачнай кампаніі.

«Замарожаная ялавічына на косці з тэрмінам захоўвання 12 месяцаў, а таксама ахалоджаная ялавічына ад ААТ „Слонімскі мясакамбінат“ зацікавілі кліентаў з ААЭ, Егіпта, Іарданіі, Саудаўскай Аравіі, Сінгапура, Тайланда і Малайзіі. Пастаўкі натуральных мясных кансерваў з ялавічыны на рынак ААЭ і Саудаўскай Аравіі прадстаўнікі прадпрыемства абмеркавалі з пакупнікамі з гэтых дзяржаў», — расказалі спецыялісты «Белінтэрэкспа».

Прадстаўнікі ААЭ, Емена, Лівана, Лівіі выказалі зацікаўленасць у набыцці прадукцыі кандытарскай фабрыкі «Віцьба».

«Нягледзячы на завяршэнне выстаўкі, віртуальнае люстэрка на сайце „Белінтэрэкспа“ прадаўжае работу. Анлайн-платформа дала магчымасць удзельнікам і гасцям форуму лепш арыентавацца ў павільёнах, даведацца ўсю неабходную інфармацыю аб прадукцыі беларускіх прадпрыемстваў-удзельнікаў, а таксама атрымаць кантакты прадстаўнікоў кампаній для далейшых дзелавых адносін», — дадалі ў кампаніі.

Арганізатар беларускай экспазіцыі — выставачнае прадпрыемства «Белінтэрэкспа» Беларускай гандлёва-прамысловай палаты.

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.